جاڭالىقتار
بوتەلكەنىڭ سىنىعىن باسىنا سۇققان: ماڭعىستاۋ وبلىسىندا جەدەل جاردەم قىزمەتكەرلەرىنە شابۋىل جاسالدى
فوتو: اشىق دەرەككوز
ماڭعىستاۋ وبلىسى بەينەۋ اۋدانىندا جەدەل جاردەم شاقىرعان ايەل وزىنە كومەك كەرەك ەكەنىن حابارلاعان. 103 قىزمەتكەرىنە حابارلاسقان ايەل دوسىنىڭ بوتەلكەنىڭ سىنىعىمەن شابۋىلداپ, باسىنان جاراقات العانىن ايتقان, دەپ حابارلايدى Qandastar.kz .
الايدا شاقىرتۋمەن كەلگەن مەديتسينا قىزمەتكەرلەرى وزدەرى دە شابۋىلعا ۇشىرايمىز دەپ كۇتپەسە كەرەك. الگى «دوس» الدىمەن كەلگەن جەدەل جاردەم كولىگىنىڭ اينەگىن سىندىرىپ, ودان كەيىن فەلدشەرگە جانە پوليتسيا قىزمەتكەرلەرىنە شابۋىلداعان.
– «مەملەكەتتىك قىزمەتكەردى قورقىتۋ نەمەسە زورلىق-زومبىلىق كورسەتۋ فاكتىسى بويىنشا سوتقا دەيىنگى تەرگەۋ باستالدى, ول ماس كۇيىندە پوليتسياعا قارسىلىق كورسەتكەنى ءۇشىن ۇستالىپ, ۋاقىتشا ۇستاۋ يزولياتورىنا جەتكىزىلدى», – دەپ حابارلادى وبلىستىق پوليتسيا دەپارتامەنتى.
