برازيليانىڭ ەكس-پرەزيدەنتى قاماۋعا الىنۋى مۇمكىن

برازيليالىق Folha de S. Paulo باسىلىمى ەكس-پرەزيدەنت جاير بولسونارۋدىڭ ۇستىنەن قىلمىستىق ءىس قوزعالىپ, ول قازان ايىنا دەيىن قاماۋعا الىنىپ, سوتتالۋى مۇمكىن ەكەنىن جاريالادى, دەپ حابارلايدى Qandastar.kz اقپارات پورتالى.

مالىمەتتەرگە سايكەس, بولسونارۋ 2022 جىلى سايلانعان پرەزيدەنت لۋيس يناسيۋ لۋلا دا سيلۆاعا قارسى قاستاندىق ۇيىمداستىرماق بولدى دەگەن ايىپپەن تەرگەلۋدە. تەرگەۋ ماتەريالدارىندا ونىڭ اسكەريلەردىڭ سايلانعان كوشباسشىنىڭ بيلىككە كەلۋىنە جول بەرمەۋگە دايىن ەكەنىن بىلگەنى جانە جەلتوقسان ايىندا قاستاندىق ارەكەتتەرىن قولداۋعا دايىندالعانى ايتىلعان. الايدا بولسونارۋ بۇل ايىپتاۋلاردى مويىنداماي وتىر.

برازيليانىڭ فەدەرالدى جوعارعى سوتىنىڭ سۋدياسى الەكساندري دي مورايس بۇرىنعى پرەزيدەنتتىڭ قورعاۋشىلارىنىڭ شاعىمدارىن قاناعاتتاندىرۋدان باس تارتۋى مۇمكىن. سوت وتىرىسى 10 ماۋسىمدا اياقتالىپ, بولسونارۋ سوتتالۋشى رەتىندە تارتىلدى.

ەسكە سالساق, 2024 جىلعى 22 قاراشادا برازيليانىڭ فەدەرالدى پوليتسياسى بولسونارۋعا مەملەكەتتىك توڭكەرىس ۇيىمداستىرماق بولدى دەگەن ايىپ تاققان. تەرگەۋ بويىنشا, ەكس-پرەزيدەنت 2022 جىلعى سايلاۋدا جەڭىلگەننەن كەيىن بيلىكتى ۇستاپ قالۋ ماقساتىندا قىلمىستىق ۇيىم قۇرعان.

سوتتىڭ سوڭعى شەشىمى 2025 جىلدىڭ قازان ايىنا دەيىن شىكارىلۋى ءتيىس.