Brazılııanyń eks-prezıdenti qamaýǵa alynýy múmkin

Brazılııalyq Folha de S. Paulo basylymy eks-prezıdent Jaır Bolsonarýdyń ústinen qylmystyq is qozǵalyp, ol qazan aıyna deıin qamaýǵa alynyp, sottalýy múmkin ekenin jarııalady, dep habarlaıdy Qandastar.kz aqparat portaly.

Málimetterge sáıkes, Bolsonarý 2022 jyly saılanǵan prezıdent Lýıs Inasıý Lýla da Sılvaǵa qarsy qastandyq uıymdastyrmaq boldy degen aıyppen tergelýde. Tergeý materıaldarynda onyń áskerılerdiń saılanǵan kóshbasshynyń bılikke kelýine jol bermeýge daıyn ekenin bilgeni jáne jeltoqsan aıynda qastandyq áreketterin qoldaýǵa daıyndalǵany aıtylǵan. Alaıda Bolsonarý bul aıyptaýlardy moıyndamaı otyr.

Brazılııanyń Federaldy Joǵarǵy Sotynyń sýdıasy Aleksandrı dı Moraıs burynǵy prezıdenttiń qorǵaýshylarynyń shaǵymdaryn qanaǵattandyrýdan bas tartýy múmkin. Sot otyrysy 10 maýsymda aıaqtalyp, Bolsonarý sottalýshy retinde tartyldy.

Eske salsaq, 2024 jylǵy 22 qarashada Brazılııanyń federaldy polıııasy Bolsonarýǵa memlekettik tóńkeris uıymdastyrmaq boldy degen aıyp taqqan. Tergeý boıynsha, eks-prezıdent 2022 jylǵy saılaýda jeńilgennen keıin bılikti ustap qalý maqsatynda qylmystyq uıym qurǵan.

Sottyń sońǵy sheshimi 2025 jyldyń qazan aıyna deıin shykarylýy tıis.