بريتانيادان ءال-ءفارابيدىڭ قولجازباسى تابىلدى

ءال-فارابي بابامىزدىڭ قولجازباسى تابىلدى. ايگىلى عۇلامانىڭ ءوز قولىمەن جازعان ءومىربايانى مەن شىعارمالارى ۇلىبريتانيادان تابىلعان.

تابىلعان دۇنيەلەردىڭ ىشىندە قۇراننىڭ تۇركى تىلىنە اۋدارىلعان العاشقى نۇسقاسى دا بار ەكەن. قولجازبا ۇلىبريتانيانىڭ مانچەستەر قالاسىنداعى كىتاپحانادان تابىلعان. 10 عاسىرداي جات جۇرتتا ساقتالعان قۇندى جادىگەردىڭ ەلگە تەك كوشىرمەسى جەتتى.

جاندوس بولدىقوۆ, قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى: — ءبىز سول مانچەستەرگە ارنايى بارىپ, سەگىز كىتاپتىڭ كوشىرمەسىن الىپ كەلدىك. ول وتە قۇندى قۇجاتتا, سونىڭ ساپالىسىن الىپ كەلدىك.

اتاپ ايتساق, وندا ءال-ءفارابيدىڭ كىتاپتارى بار جازىلعان. تاعى دا ءبىزدىڭ تاريحتىڭ بەتتەرىن اشاتىن كىتاپتار بار. قولجازبادا فارابي ءوزىنىڭ ءومىر جولىن بايانداعان. سونداي-اق بىراقتارا ماقالالارى بار.

مۇنىڭ ءبارىن عۇلاما ءوز قولىمەن جازعان. ەڭبەكتىڭ قۇندىلىعى دا سوندا.  المات ابسالىقوۆ, قولجازبالار جانە سيرەك كىتاپتار ۇلتتىق ورتالىعىنىڭ باس ساراپشىسى: — جالپى ءفارابيدىڭ ەڭبەكتەرى كوپ بار. ەندى ماقالات دەگەن ەڭبەگى تەك قانا ءبىزدىڭ شىعىستانۋشىلار, فيلوسوفتار پىكىرى بويىنشا تەك قانا گوللانديادا ليدن قالاسىندا ساقتالعان.

جانە دە گەرمانيادا ءبىر تۇپنۇسقا مانچەستەر بودليوند كىتاپحاناسىندا ساقتالعان دەيدى. قازاقستانعا جەتكەن قۇندى قاعازداردىڭ كوشىرمەسى جيناقتالىپ, كىتاپ بولىپ باسىلىپ شىعادى. ارنايى زەرتتەۋ جۇرگىزىلەدى. مانچەسترگە بارعان ماماندار ءفارابيدىڭ قولجازباسىمەن قوسا تۇركى تىلىندە العاش جازىلعان قۇران كىتابىن تاپقان. جاندوس بولدىقوۆ, قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى: — ەڭ ماڭىزدىسى قۇران. تۇركى تىلىندەگى قۇران دەپ ايتۋعا بولادى. ول ەندى شامامەن ون, ون ەكىنشى عاسىرلاردا جازىلعان بولاتىن. اراپ تىلىندە, پارسى تىلىندە جانە دە تۇركى تىلىندە اۋدارماسى بار.

سول تۇركى تىلىندە اۋدارىلعان قۇراننىڭ اللعاشقىسى دەپ ايتۋعا بولادى. ونىڭ ماڭىزدى ءبىر دالەلى بار. ول وڭتۇستىك قازاقستاندا جازىلعان دەگەن بولجام بار. عالىمدار سونداي پىكىر قالدىرعان. ۇلتتىق قۇندىلىقتاردى جيناقتاپ جۇرگەن زەرتتەۋشىلەر ءبىراز مۇراعاتتاردى اقتارىپ, قۇندى دۇنيەلەر قاتارىن تولىقتىرىپ كەلەدى. ەندى بۇل قولجازبالار تولىق زەرتتەلەدى. ەندى ولاردى قازىرگى قارىپكە ءتۇسىرىپ, وقىرمانعا تانىستىرۋ ماڭىزدى.