BRITANIIaDAN ÁL-FARABIDIŃ QOLJAZBASY TABYLDY

Ál-Farabı babamyzdyń qoljazbasy tabyldy. Áıgili ǵulamanyń óz qolymen jazǵan ómirbaıany men shyǵarmalary Ulybrıtanııadan tabylǵan.

Tabylǵan dúnıelerdiń ishinde Qurannyń túrki tiline aýdarylǵan alǵashqy nusqasy da bar eken. Qoljazba Ulybrıtanııanyń Manchester qalasyndaǵy kitaphanadan tabylǵan. 10 ǵasyrdaı jat jurtta saqtalǵan qundy jádigerdiń elge tek kóshirmesi jetti.

Jandos Boldyqov, qoljazbalar jáne sırek kitaptar ulttyq ortalyǵynyń dırektory: — Biz sol Manchesterge arnaıy baryp, segiz kitaptyń kóshirmesin alyp keldik. Ol óte qundy qujatta, sonyń sapalysyn alyp keldik.

Atap aıtsaq, onda Ál-Farabıdiń kitaptary bar jazylǵan. Taǵy da bizdiń tarıhtyń betterin ashatyn kitaptar bar. Qoljazbada Farabı óziniń ómir jolyn baıandaǵan. Sondaı-aq biraqtara maqalalary bar.

Munyń bárin ǵulama óz qolymen jazǵan. Eńbektiń qundylyǵy da sonda.  Almat Absalyqov, qoljazbalar jáne sırek kitaptar ulttyq ortalyǵynyń bas sarapshysy: — Jalpy Farabıdiń eńbekteri kóp bar. Endi maqalat degen eńbegi tek qana bizdiń shyǵystanýshylar, fılosoftar pikiri boıynsha tek qana Gollandııada Lıdn qalasynda saqtalǵan.

Jáne de Germanııada bir túpnusqa Manchester Bodlıond kitaphanasynda saqtalǵan deıdi. Qazaqstanǵa jetken qundy qaǵazdardyń kóshirmesi jınaqtalyp, kitap bolyp basylyp shyǵady. Arnaıy zertteý júrgiziledi. Manchestrge barǵan mamandar Farabıdiń qoljazbasymen qosa túrki tilinde alǵash jazylǵan quran kitabyn tapqan. Jandos Boldyqov, qoljazbalar jáne sırek kitaptar ulttyq ortalyǵynyń dırektory: — Eń mańyzdysy Quran. Túrki tilindegi quran dep aıtýǵa bolady. Ol endi shamamen on, on ekinshi ǵasyrlarda jazylǵan bolatyn. Arap tilinde, parsy tilinde jáne de túrki tilinde aýdarmasy bar.

Sol túrki tilinde aýdarylǵan qurannyń allǵashqysy dep aıtýǵa bolady. Onyń mańyzdy bir dáleli bar. Ol ońtústik qazaqstanda jazylǵan degen boljam bar. Ǵalymdar sondaı pikir qaldyrǵan. Ulttyq qundylyqtardy jınaqtap júrgen zertteýshiler biraz muraǵattardy aqtaryp, qundy dúnıeler qataryn tolyqtyryp keledi. Endi bul qoljazbalar tolyq zertteledi. Endi olardy qazirgi qaripke túsirip, oqyrmanǵa tanystyrý mańyzdy.