«برونحيت ەمەس, قازاقستاننىڭ تۋىنا اللەرگياسى بار»: وليمپيادادان باس تارتقان رىباكينا وڭباي ءسوز ەستىدى

فوتو: rbc.ru

ەلەنا رىباكينا پاريجدەگى وليمپياداعا قاتىسۋدان باس تارتقان ەدى. ول ءوزىنىڭ اۋىرىپ قالعانىن سىلتاۋ ەتىپ, حالىقتىڭ الدىندا كەشىرىم سۇراعان, دەپ حابارلايدى Caravan.kz مەديا پورتالى.

رەسەيدە تۋىپ, قازاقستان اتىنان جارىستارعا قاتىسىپ جۇرگەن تەننيسشى ەلەنا رىباكينانىڭ كۇتپەگەن جەردەن پاريج وليمپياداسىنا قاتىسۋدان باس تارتقانى جانكۇيەرلەردىڭ عانا ەمەس, قوعامنىڭ ىزاسىن تۋدىردى. تەننيسشىنىڭ ءوزى وليمپياداعا دەنساۋلىعىنا بايلانىستى قاتىسپايتىنىن ايتتى.

ەلەنا رىباكينانىڭ (الەمنىڭ ءۇشىنشى راكەتكاسى) وليمپيادادان شىعاتىنىن حالىقارالىق تەننيس فەدەراتسياسى 25 شىلدە تۇستەن كەيىن رەسمي مالىمدەدى.

25 شىلدە پاريج ۋاقىتىمەن تاڭەرتەڭ جەرەبە تارتىلىپ, رىباكينا العاشقى اينالىمدا رۋمىنيالىق كريستيان جاكلينمەن ويناۋى كەرەك ەدى. بۇدان بولەك, ول تاعى ءبىر قازاقستاندىق تەننيسشى الەكساندر بۋبليكپەن ميكست جارىسىندا دا مەدالعا تالاسۋى ءتيىس ەدى.

سپورتشىنىڭ بۇل ارەكەتى كوپشىلىكتىڭ نارازىلىعىن تۋدىردى. ءادىل يبراەۆ ءوزىنىڭ فەيسبۋك پاراقشاسىندا بىلاي دەپ جازدى:

«رىباكينا قازاقستاننىڭ اتىنان قاتىسىپ ۇتىقان با? ۇلتتىق قۇرامادا ونەر كورسەتۋ ۋاقىتى كەلگەن كەزدە, ۇنەمى باس تارتادى. ايتەۋىر ءبىر كۇنى قازاقستان ءۇشىن سىنعا ءتۇسۋ كەرەك. تۇسىنەمىن, قازاقستاندا تۋمادى, قازاق ەمەس, دەگەنمەن ءبىز ءۇشىن, جانكۇيەرلەر ءۇشىن ادەمى ابىرويلى ويىن كورسەتۋگە بولاتىن ەدى, ءتىپتى مەدال الماسا دا… وسى كۇنگە دەيىن ۇتىلعان ساتتەردە, حالىق سەنىڭ اتىڭ مەن ابىرويىڭدى قورعاپ كەلدى. ءيا, ازياداعا دا قاتىسقان جوقسىڭ. ول كەزدە دە وزگەلەردىڭ ىزعارىنان قورعادىم. ءبىز سەنى اقتادىق. وليمپيادادا جەڭەدى دەپ سەندىك. ءبارى بەكەر. ماسكاڭ شەشىلدى. رىباكينا ءۇشىن ەلدىڭ نامىسىن قورعاۋ ەمەس, اقشا ماڭىزدى بولىپ شىقتى.

ۇلتتىق قۇراما ءۇشىن سىنعا ءتۇسۋ كەرەك كەزدە, ءتۇرلى سىلتاۋلارى دايىن تۇرادى.

ونىڭ ءبرونيحيتى ەمەس, قازاقستاننىڭ تۋىنا اللەرگياسى بار سياقتى. ول قازاقستان ءۇشىن ەش جەرگە قاتىسپايدى. بيللي دجين كۋبوگى, وندا قۇرامالار وينايدى, ول تىزىمدە جوق. دەۆيس كۋبوگىندا دا جوق. بۇل قازاقستان قۇراماسىنا نەمقۇرايلى قاراۋ.

رىباكينا حالىقتىڭ كوڭىلىن قالدىردى. بۇنداي ەكىجۇزدى سپورتشى ءبىزدىڭ ەلگە كەرەك ەمەس دەيدى ولار. ءتىپتى قازاقستان ازاماتى بولۋعا لايىقتى ەمەس ەكەنىن دە جازعان.

ماسكەۋدە تۋعان تەننيسشى 2018 جىلى قازاقستان ازاماتتىعىن العان ەدى. ونى قازاقستان قۇراماسىنا ميلليونەر بولات وتەمۇراتوۆ شاقىرعان. ەلدە شەتەلدەن كەلەتىن سپورتشىلارعا قارسىلىق كۇشەيگەن تۇستا رىباكيناعا ءجيى سىن ايتىلاتىن. ول 2022 جىلى Grand Slam جارىستارى قاتارىنا ەنەتىن Wimbledon (ۋيمبلدون) ءتۋرنيرىن جەڭگەندە دە ەكى ازاماتتىعى جوعىن ايتىپ, قازاقستان پاسپورتىن كورسەتۋگە ءماجبۇر بولعان.