«Bronhıt emes, Qazaqstannyń týyna allergııasy bar»: Olımpıadadan bas tartqan Rybakına ońbaı sóz estidi

Foto: rbc.ru

Elena Rybakına Parıjdegi olımpıadaǵa qatysýdan bas tartqan edi. Ol óziniń aýyryp qalǵanyn syltaý etip, halyqtyń aldynda keshirim suraǵan, dep habarlaıdy Caravan.kz medıa portaly.

Reseıde týyp, Qazaqstan atynan jarystarǵa qatysyp júrgen tennısshi Elena Rybakınanyń kútpegen jerden Parıj olımpıadasyna qatysýdan bas tartqany jankúıerlerdiń ǵana emes, qoǵamnyń yzasyn týdyrdy. Tennısshiniń ózi olımpıadaǵa densaýlyǵyna baılanysty qatyspaıtynyn aıtty.

Elena Rybakınanyń (Álemniń úshinshi raketkasy) olımpıadadan shyǵatynyn Halyqaralyq tennıs federaııasy 25 shilde tústen keıin resmı málimdedi.

25 shilde Parıj ýaqytymen tańerteń jerebe tartylyp, Rybakına alǵashqy aınalymda rýmynııalyq Krıstıan Jaklınmen oınaýy kerek edi. Budan bólek, ol taǵy bir qazaqstandyq tennısshi Aleksandr Býblıkpen mıkst jarysynda da medalǵa talasýy tıis edi.

Sportshynyń bul áreketi kópshiliktiń narazylyǵyn týdyrdy. Ádil Ibraev óziniń feısbýk paraqshasynda bylaı dep jazdy:

«Rybakına Qazaqstannyń atynan qatysyp utyqan ba? Ulttyq quramada óner kórsetý ýaqyty kelgen kezde, únemi bas tartady. Áıteýir bir kúni Qazaqstan úshin synǵa túsý kerek. Túsinemin, Qazaqstanda týmady, qazaq emes, degenmen biz úshin, jankúıerler úshin ádemi abyroıly oıyn kórsetýge bolatyn edi, tipti medal almasa da… Osy kúnge deıin utylǵan sátterde, halyq seniń atyń men abyroıyńdy qorǵap keldi. Iá, Azıadaǵa da qatysqan joqsyń. Ol kezde de ózgelerdiń yzǵarynan qorǵadym. Biz seni aqtadyq. Olımpıadada jeńedi dep sendik. Bári beker. Maskań sheshildi. Rybakına úshin eldiń namysyn qorǵaý emes, aqsha mańyzdy bolyp shyqty.

Ulttyq qurama úshin synǵa túsý kerek kezde, túrli syltaýlary daıyn turady.

Onyń bronıhıti emes, Qazaqstannyń týyna allergııasy bar sııaqty. Ol Qazaqstan úshin esh jerge qatyspaıdy. Bıllı Djın kýbogy, onda quramalar oınaıdy, ol tizimde joq. Devıs Kýbogynda da joq. Bul Qazaqstan quramasyna nemquraıly qaraý.

Rybakına halyqtyń kóńilin qaldyrdy. Bundaı ekijúzdi sportshy bizdiń elge kerek emes deıdi olar. Tipti Qazaqstan azamaty bolýǵa laıyqty emes ekenin de jazǵan.

Máskeýde týǵan tennısshi 2018 jyly Qazaqstan azamattyǵyn alǵan edi. Ony Qazaqstan quramasyna mıllıoner Bolat О́temuratov shaqyrǵan. Elde shetelden keletin sportshylarǵa qarsylyq kúsheıgen tusta Rybakınaǵa jıi syn aıtylatyn. Ol 2022 jyly Grand Slam jarystary qataryna enetin Wimbledon (Ýımbldon) týrnırin jeńgende de eki azamattyǵy joǵyn aıtyp, Qazaqstan pasportyn kórsetýge májbúr bolǵan.