بريۋسسەلدەگى وتانداستارىمىز قايىرىمدىلىق جارمەڭكەسىن ۇيىمداستىردى

بريۋسسەلدەگى وتانداستارىمىز ەلدەگى سۋ تاسقىنىنان زارداپ شەككەندەرگە قولداۋ كورسەتىپ, قايىرىمدىلىق جارمەڭكەسىن ۇيىمداستىردى. بۇل شارا Qazaq Society قازاقستاندىق ستۋدەنتتەر قاۋىمداستىعىنىڭ باستاماسىمەن جانە بەلگياداعى ەلشىلىگىمىزدىڭ قولداۋىمەن جۇزەگە اسۋدا. قايىرىلىمدىلىق جارمەڭكەسىنە ەلىمىزدەگى تانىمال سۋرەتشىلەردىڭ تۋىندىلارى, زەرگەرلىك بۇيىمدار مەن كادەسىيلار قويىلدى.

سونداي-اق, كەلگەن قاۋىمعا ۇلتتىق تاعامدارىمىز ۇسىنىلدى. جارمەڭكەدەن تۇسكەن قاراجات, كومەك قورلارىنىڭ شوتتارىنا جىبەرەلەدى. ايتا كەتەيىك, بەلگياداعى ستۋدەنتتەرىمىز مۇنداي قايىرىمدىلىق ءىس-شارانى وسىمەن ەكىنشى رەت وتكىزىپ وتىر. مادينا بازارحان, سۋرەتشى: — ءوز ەلىمىزدەن جىراقتا جۇرسەك تە, ەل باسىنا قيىن-قىستاۋ كۇن تۇسكەن كەزەڭدە,, قولىمىزدان كەلگەننىڭ ءبارىن جاساۋعا تىرىسىپ جاتىرمىز. ءبىز دە ۋايىمدايمىز. تاسقىننان زارداپ شەككەن ءار وتباسىعا سابىر تىلەيمىن.

قانداي جاعداي بولماسىن, اركەز قول ۇشىن سوزۋعا دايىنبىز. ءالىم-سەرى ماحامبەتالي, «Ku Leuven» ۋنيۆەرسيتەتىنىڭ ستۋدەنتى: — وسى بۇگىنگى جارمەنكەمىزدىڭ باستى ماقساتى وسى بارشامىز بىلەتىندەي باتىس قازاقستاندا بولىپ جاتقان سۋ تاسقىنىنان كوپتەگەن ادامدار زارداپ شەكتى. وسى بۇگىن ءوزىمىزدىڭ ۇلتتىق تاعامدارىمزدى جانە كيىمدەرىمىزدى جانە باسقا دا زاتتارامىزدى ساتىپ, كىشكەنە بولسا دا اقشا جيناپ, سول زارداپ شەككەندەرگە جىبەرەيىن  دەپ جاتىرمىز وسى اقشانى.