بۇدان بىلاي قۇرىلىسى بىتپەگەن ءۇيدى يپوتەكاعا الۋعا تىيىم سالىنادى

سەناتتىڭ جالپى وتىرىسىندا «كەيبىر زاڭنامالىق اكتىلەرگە تۇرعىن ءۇي قۇرىلىسىنا ۇلەستىك قاتىسۋ, اۆتوموبيل جولدارى جانە مۇگەدەكتىگى بار ادامداردى تاسىمالداۋ جونىندەگى قىزمەتتەردى كورسەتۋ ماسەلەلەرى بويىنشا وزگەرىستەر ەنگىزۋ تۋرالى» زاڭ ماقۇلداندى, دەپ حابارلايدى Qandastar.kz اقپارات پورتالى.

ەكى وقىلىمدا قارالعان زاڭ جوباسى ۇلەستىك قۇرىلىس سالاسىن مەملەكەتتىك رەتتەۋدى كۇشەيتۋگە, زاڭسىز قۇرىلىس ۇلەسىن قىسقارتۋعا باعىتتالعان. سونداي-اق مۇگەدەك ادامداردىڭ ءومىر ءسۇرۋ ساپاسىن جاقسارتۋعا, اۆتوجول سالاسىنىڭ كادرلىق الەۋەتىن ارتتىرۋدى كوزدەيدى.

ايتا كەتەرلىگى, بۇگىنگى تاڭدا, اتالعان سالا بويىنشا قولدانىستاعى زاڭنامادا ۇلەسكەرلەردىڭ قاتىسۋىمەن تۇرعىن ءۇي سالۋدىڭ 3 تەتىگىمەن جۇمىس ىستەيدى.

1 – تەتىك: بىرىڭعاي وپەراتوردىڭ كەپىلدىگى ارقىلى. تۇرعىن ءۇي قۇرىلىسىنداعى ۇلەسى 25,5 %. بىرىڭعاي وپەراتور بولىپ — «قازاقستان تۇرعىن ءۇي كومپانياسى» اق بەلگىلەندى;

2 — تەتىك: ەكىنشى دەڭگەيدەگى بانكتەردىڭ تۇرعىن ءۇي قۇرىلىسىنا  قاتىسۋ ارقىلى. بۇل تەتىكتىڭ ۇلەسى — 58,9 %;

3 – تەتىك: كوپپاتەرلى تۇرعىن ءۇيدىڭ قاڭقاسى سالىنعاننان كەيىن قارجى تارتۋ. بۇل تەتىك بويىنشا تۇرعىن ءۇي قۇرىلىسىنداعى ۇلەسى 15,6 %).

جەرگىلىكتى اتقارۋشى ورگانداردىڭ اقپاراتى بويىنشا بۇگىنگى تاڭدا ۇلەستىك قۇرىلىستا پروبلەمالىق ماسەلەلەر ءالى دە ورىن الىپ وتىر.

ونەركاسىپ جانە قۇرىلىس مينيسترلىگىنىڭ اقپاراتى بويىنشا ەلىمىزدە تۇرعىن ءۇي ۇلەستىك قۇرىلىسىن سالۋ باعىتىندا — 99 ءۇي رۇقساتسىز سالىنعان جانە 42 پروبلەمالىق ۇيلەر بار.

حالىقتىڭ مۇددەلەرىن قورعاۋ ماقساتىندا ازاماتتارعا تۇرعىن ءۇيدى قاۋىپسىز ساتىپ الۋ تۋرالى كەڭەس بەرۋ, بەلگىلى ءبىر قۇرىلىس سالۋشىلاردا جاو رۇقساتىنىڭ نە بىرىڭعاي وپەراتوردىڭ كەپىلدىگىنىڭ بولۋى تۋرالى اقپارات بەرۋ ءۇشىن ۇلەسكەرلەردى قولداۋ ورتالىعى قۇرىلادى, — دەپ ءتۇسىندىردى زاڭ جوباسىن سەناتور سۇيىندىك الداشەۆ.

ال جاڭا زاڭ بويىنشا:

— سالىنىپ جاتقان ۇيلەردە تۇرعىن جانە تۇرعىن ەمەس ءۇي-جايلاردى ساتىپ الۋعا بايلانىستى الدىن الا شارتتار جاساسۋعا تىيىم سالۋ;

— ۇلەسكەرلەردىڭ قارجىلارىن تارتۋعا رۇقساتسىز جارناماعا تىيىم سالۋ;

— سالىنىپ جاتقان تۇرعىن ءۇي نارىعىندا ۇلەسكەرلەردىڭ اقشاسىن تارتۋدىڭ زاڭدىلىعى بولىگىندە جەرگىلىكتى اتقارۋشى ورگانداردىڭ باقىلاۋ جۇرگىزۋى;

— سالىنىپ جاتقان كوپقاباتتى تۇرعىن ۇيدە جىلجىمايتىن م ۇلىك ساتىپ الۋعا يپوتەكاعا تىيىم سالۋ;

— سالىنىپ جاتقان تۇرعىن ءۇيدى تەك قولما-قول اقشاسىز نىساندا ساتىپ الۋ-ساتۋ بويىنشا مامىلەلەر جۇرگىزۋ;

— تۇرعىن ءۇي قۇرىلىسىنىڭ جوسپارلى مەرزىمىن 9 ايدان 5 ايعا ۇزارتۋعا رۇقسات بەرۋ.

— ۋاكىلەتتى كومپانيانىڭ كوپپاتەرلى تۇرعىن ءۇيدىڭ قاڭقاسى قۇرىلىسىنىڭ اياقتالۋىن كۇتپەي, جاو رۇقساتىن العاننان كەيىن بىردەن ۇلەسكەرلەردىڭ اقشاسىن پايدالانۋعا رۇقساتى كەرەك بولادى.