«Budan da jantúrshigerlik qylmystardy qaraǵanbyz»: Aıjan Qulbaeva Bıshimbaev isine qatysty pikir bildirdi

Foto: ashyq derekkóz

Atyshýly Bıshimbaevtyń isin qaraǵan sýdıa Aıjan Qulbaeva eks-mınıstrdiń isin óz tájirıbesindegi eń kúrdeli dep sanamaıdy, dep habarlaıdy qandastar.kz Skifnews.kz aqparat portalyna silteme jasap.

Stan.kz-tiń dereginshe, sýdıa Bıshimbaevtyń isi mundaı dúrbeleń týdyrady dep kútpedi.

“Men muny ádettegi isterdiń biri dep qabyldadym. Sotta mundaı asa aýyr qylmys jasaǵandar kóp. Budan da jantúrshigerlik qylmystardy qaraǵanbyz. Sol sebepti bul isti tájirıbemdegi eń kúrdelisi dep sanamaımyn”, – deıdi Aıjan Qulbaeva.

“Bıshimbaevtyń isin ne sebepti áıel sýdıa qarady?” degen jýrnalısterdiń suraǵyna Joǵarǵy sottyń sýdıasy Elena Maksıýta: “Sýdıalarǵa isti kompıýter úlestirdi. Bul mehanızmge eshkim aralasa almaıdy”, – dep jaýap berdi.

Aıjan Qulbaeva da áriptesiniń sóz rastap, Bıshimbaevtyń isi kez kelgen sýdıaǵa túsýi múmkin ekenin aıtty. Sondaı-aq ol sot proesi kezinde áleýmettik jelide jazylǵan bir jaqty pikirlerdi oqyp, tańǵalǵan.

“Jeli qoldanýshylarynyń men týraly jazǵan alýan túrli pikirlerin kórgende muqalyp qaldym. Halyq sottyń qylmystyq qýdalaý organy emes ekenin umytyp ketken sııaqty. Sot aıyptalýshyny jáne onyń dálelderin tyńdaýy kerek. Jelidegi pikirler men oǵan taǵylǵan aıyptarǵa qatysty onyń qandaı ustanymda ekenin bilmek bolǵanda jazyla bastady”, – deıdi Aıjan Qulbaeva.

Sýdıa Bıshimbaevtyń isinen keıin kóshede erkin júrýden qalǵanyn aıtady.

“О́mirim qatty ózgerdi dep aıta almaımyn. Bári baıaǵydaı: burynǵy is, sol baıaǵy advokattar men prokýrorlar. Tek kóshede erkin júre almaı qaldym. Qazir kóp jerge bara bermeımin. О́ıtkeni adamdar birge sýretke túsýdi suraıdy”, – deıdi sýdıa.

Sondaı-aq ol atyshýly isten keıin kúzetpen júretin bolǵan.