جاڭالىقتار
بۇعان دەيىن پرەزيدەنتتەن سوگىس العان كولىك ءمينيسترى قاراباەۆ قىزمەتىنەن بوساتىلدى
فوتو: primeminister.kz
قاسىم-جومارت توقاەۆ كولىك ءمينيسترى مارات قاراباەۆتى قىزمەتىنەن بوساتتى, دەپ جازدى qandastar.kz
بۇل تۋرالىStan.kz اقپارات اگەنتتىگى حابارلايدى.
“مەملەكەت باسشىسىنىڭ جارلىعىمەن مارات كارىمجان ۇلى قاراباەۆ قازاقستان رەسپۋبليكاسىنىڭ كولىك ءمينيسترى لاۋازىمىنان بوساتىلدى”, – دەلىنگەن حابارلامادا.
مارات قاراباەۆ بۇل قىزمەتكە 2023 جىلدىڭ 2 قىركۇيەگىندە تاعايىندالعان ەدى.
ال 2025 جىلدىڭ 14 مامىرىندا قاراباەۆ قاۋىپسىزدىك كەڭەسىنىڭ كولىك-لوگيستيكا سالاسىن دامىتۋ ماسەلەلەرى جونىندەگى وتىرىستا مەملەكەت باسشىسىنان سوگىس الدى.
مارات قاراباەۆ مارات كارىمجان ۇلى 1987 جىلى 4 شىلدەدە دۇنيەگە كەلگەن.
2010 جىلى «بولاشاق» باعدارلاماسى بويىنشا ۋورۆيك ( ۇلىبريتانيا) ۋنيۆەرسيتەتىن – ء«وندىرىستى-جۇيەلىك ينجەنەريا» ماماندىعى بويىنشا ۇزدىك اياقتاعان, 2015 جىلى م.ح. دۋلاتي اتىنداعى تاراز مەملەكەتتىك ۋنيۆەرسيتەتىن «ەكونوميكا» ماماندىعى بويىنشا اياقتاعان.
ءار ءتۇرلى جىلدارى قازاقستان رەسپۋبليكاسىنىڭ مەملەكەتتىك قۇرىلىمدارىندا قىزمەت اتقاردى.
2011 مەن 2013 جىلدار ارالىعىندا قر اۋىل شارۋاشىلىعى مينيسترلىگى, قر يندۋستريا جانە جاڭا تەحنولوگيالار مينيسترلىگىندە ساراپشى جانە باس ساراپشى لاۋازىمدارىندا قىزمەت اتقاردى.
2013 جىلدان باستاپ قر كولىك جانە كوممۋنيكاتسيالار مينيسترلىگىنىڭ ترانزيت جانە كولىك لوگيستيكاسى دەپارتامەنتىندە باسقارما باسشىسى لاۋازىمىندا قىزمەت اتقاردى.
2014 جىلى – وڭتۇستىك قازاقستان وبلىسىنىڭ كاسىپكەرلىك جانە يندۋستريالدى-يننوۆاتسيادىق دامۋ باسقارماسى باسشىسىنىڭ ورىنباسارى.
2015 جىلعى قاراشادان باستاپ 2017 جىل ارالىعىندا وڭتۇستىك قازاقستان وبلىسىنىڭ كاسىپكەرلىك, يندۋستريالدى-يننوۆاتسيادىق دامۋ جانە تۋريزم باسقارماسىنىڭ باسشىسى لاۋازىمىندا قىزمەت اتقاردى.
2018 جىلعى مامىردان 2020 جىلعى شىلدە ارالىعىندا – قر يندۋستريا جانە ينفراقۇرىلىمدىق دامۋ مينيسترلىگى قورعانىس-ونەركاسىپ كەشەنىن دامىتۋ دەپارتامەنتىنىڭ ديرەكتورى.
2020 جىلدىڭ شىلدەسىنەن 2021 جىلدىڭ شىلدەسىنە دەيىن-قر يدم يندۋستريالىق دامۋ كوميتەتىنىڭ توراعاسى.
2021 جىلعى شىلدەدەن 2023 جىلعى قاڭتارعا دەيىن – قازاقستان رەسپۋبليكاسى يندۋستريا جانە ينفراقۇرىلىمدىق دامۋ ۆيتسە-ءمينيسترى.
2023 جىلعى قاڭتاردان باستاپ – قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترى.
