جاڭالىقتار
بۇگىن استانادا جاڭا جىلدىق شىرشالاردىڭ شامى جاعىلماق
فوتو: اشىق دەرەككوز
18 جەلتوقساندا ساعات 20.00-دە ەلوردانىڭ التى اۋدانىندا ءبىر مەزگىلدە جاڭا جىلدىق شىرشالاردىڭ شامى جاعىلادى. بۇل تۋرالى قالا اكىمدىگى حابارلادى, دەپ جازدى qandastar.kz
الماتى جانە سارايشىق اۋداندارىندا جەتى جەردە شىرشالار بەزەندىرىلگەن. قازاق ەلى مونۋمەنتىنىڭ الاڭىندا 25 مەترلىك ۇلكەن شىرشا ورناتىلعان. تاۋەلسىزدىك داڭعىلىنداعى وقۋشىلار سارايىنىڭ اۋماعىندا دا شىرشا قويىلادى. بايقوڭىر اۋدانىندا بەس كەرەمەت شىرشانىڭ شامى جاعىلادى. نۇرا اۋدانىنداعى 9 جەردە جاڭا جىلدىق شىرشالاردى تاماشالاي الاسىزدار. باستى شىرشا «استانا ارەنا» ستاديونىنىڭ تۇراعىنا ورناتىلادى. ورتالىق ساياباقتا ۇزىندىعى 290 مەتر بولاتىن جەلىلىك مۇز ايدىنى جاسالعان, كىرەبەرىستە 22 مەترلىك شىرشا ورناتىلعان.
بۇل كۇنى شىرشالار شامى ويىن-ساۋىق ورتالىقتارىنىڭ جانىندا دا جارقىرايدى. سارىارقا اۋدانىندا التى جەردە ادەمى شىرشا ورناتىلعان. ەسىل اۋدانىندا ءتورت نەگىزگى نۇكتەگە مەرەكەلىك شىرشالار قويىلعان. ەكسپو اۋماعىندا 23 مەترلىك شىرشا پايدا بولادى. ءدال سونداي بوتانيكالىق باقتا دا بار.
