Búgin Astanada jańa jyldyq shyrshalardyń shamy jaǵylmaq

Foto: ashyq derekkóz

18 jeltoqsanda saǵat 20.00-de elordanyń alty aýdanynda bir mezgilde jańa jyldyq shyrshalardyń shamy jaǵylady. Bul týraly qala ákimdigi habarlady, dep jazdy qandastar.kz

Almaty jáne Saraıshyq aýdandarynda jeti jerde shyrshalar bezendirilgen. Qazaq eli monýmentiniń alańynda 25 metrlik úlken shyrsha ornatylǵan. Táýelsizdik dańǵylyndaǵy Oqýshylar saraıynyń aýmaǵynda da shyrsha qoıylady. Baıqońyr aýdanynda bes keremet shyrshanyń shamy jaǵylady. Nura aýdanyndaǵy 9 jerde jańa jyldyq shyrshalardy tamashalaı alasyzdar. Basty shyrsha «Astana Arena» stadıonynyń turaǵyna ornatylady. Ortalyq saıabaqta uzyndyǵy 290 metr bolatyn jelilik muz aıdyny jasalǵan, kireberiste 22 metrlik shyrsha ornatylǵan.

Bul kúni shyrshalar shamy oıyn-saýyq ortalyqtarynyń janynda da jarqyraıdy. Saryarqa aýdanynda alty jerde ádemi shyrsha ornatylǵan. Esil aýdanynda tórt negizgi núktege merekelik shyrshalar qoıylǵan. EKSPO aýmaǵynda 23 metrlik shyrsha paıda bolady. Dál sondaı Botanıkalyq baqta da bar.