Búgin aýa temperatýrasy joǵary bolady

2025 jylǵy 23 shilde, sársenbi kúni Qazaqstanda aptap ystyq, naızaǵaıly jańbyr, burshaq jaýýy múmkin, dep habarlaıdy Qandastar.kz «Qazgıdromet» RMK baspasóz qyzmetine silteme jasap.

Sınoptıkterdiń boljamy boıynsha:

Batys, soltústik jáne soltústik-batys óńirlerde atmosferalyq fronttardyń áserinen aýa raıy turaqsyz bolady – naızaǵaıly jańbyr jaýady, soltústikte kúndiz burshaq kútiledi. Eldiń basqa óńirlerinde jaýyn-shashynsyz aýa raıy saqtalady.

Jel kúsheıip, batys, ońtústik jáne shyǵys aımaqtarda shańdy daýyl bolýy yqtımal. Túnde jáne tańerteń soltústikte tuman túsedi.

Kúndiz aptap ystyq bolatyn óńirler:

• Mańǵystaý oblysy – +38…+40°C;
• Batys Qazaqstan oblysy – +35…+36°C;
• Atyraý oblysy – +35…+39°C;
• Jetisý oblysy – +35…+37°C;
• Almaty oblysy – +35…+39°C;
• Jambyl oblysy – +35…+39°C;
• Túrkistan oblysy – +40…+42°C;
• Qyzylorda oblysy – +40…+42°C;
• Ulytaý oblysy – +35…+38°C;
• Qostanaı oblysynyń ońtústigi – +35°C;
• Aqtóbe oblysy – +35°C.

О́te qatty ystyq boljanyp otyrǵan óńirler:

• Almaty oblysynyń batysy men soltústigi – +42°C deıin;
• Aqtóbe oblysynyń ońtústigi men ońtústik-shyǵysy – +40°C deıin.

Joǵary órt qaýpi:

• ShQO, Abaı oblysy;
• Qostanaı oblysynyń batysy men shyǵysy;
• Batys Qazaqstan oblysynyń soltústigi men shyǵysy;
• Qaraǵandy oblysynyń soltústigi men ortalyǵy;
• Atyraý oblysynyń batysy;
• Aqtóbe oblysynyń soltústik-batysy men soltústik-shyǵysy;
• Aqmola oblysynyń ońtústigi men shyǵysy;
• Pavlodar oblysynyń batysy, ońtústigi jáne shyǵysy.

Tótenshe órt qaýpi:

• Mańǵystaý, Qyzylorda, Túrkistan, Almaty oblystary;
• Jetisý, Ulytaý, Jambyl oblystary;
• Atyraý oblysynyń soltústigi, ońtústigi jáne shyǵysy;
• Qaraǵandy oblysynyń batysy, ońtústigi jáne shyǵysy;
• Aqtóbe oblysynyń ortalyǵy men ońtústigi;
• Batys Qazaqstan oblysynyń ortalyǵy men shyǵysy;
• Qostanaı oblysynyń ońtústigi;
• Abaı oblysynyń ońtústigi men soltústik-batysy.