جاڭالىقتار
بۇگىن ازەربايجاندا ازا تۇتۋ كۇنى دەپ جاريالاندى
فوتو: vesti.az
ەل پرەزيدەنتى يلحام اليەۆ اقتاۋ ماڭىندا ۇشاقتىڭ اپاتقا ۇشىراۋىنا بايلانىستى ازەربايجاندا 26 جەلتوقساندى ازا تۇتۋ كۇنى دەپ جاريالادى, دەپ جازدى qandastar.kz
سونداي-اق اقتاۋعا ازەربايجان رەسپۋبليكاسىنان ارنايى دەلەگاتسيا كەلدى.
بۇل تۋرالى ماڭعىستاۋ وبلىسى اكىمدىگىنىڭ ءباسپاسوز قىزمەتىنىڭ وكىلدەرى حابارلاعان بولاتىن.
«25 جەلتوقسان كۇنى اقتاۋ ماڭىندا بولعان ۇشاق اپاتىنا بايلانىستى ماڭعىستاۋ وبلىسىنا ازەربايجان رەسپۋبليكاسىنان ارنايى قۇرىلعان كوميسسيا كەلدى. قۇرامىندا قۇتقارۋشىلار, پسيحولوگتار, پروكۋرورلار بار دەلەگاتسيانى ازەربايجاننىڭ توتەنشە جاعدايلار ءمينيسترى باستاپ كەلدى.
ماڭعىستاۋ وبلىسىنىڭ اكىمى نۇرداۋدەت قيلىباي مەن ازەربايجان ۇكىمەتىنىڭ وكىلدەرى قۇتقارۋ وپەراتسياسى اياسىندا جاسالاتىن ءتيىستى شارالاردى پىسىقتادى. وبلىس اكىمى نۇرداۋلەت قيلىباي زارداپ شەككەن ازاماتتارعا قاجەتتى كومەكتەردىڭ كورسەتىلىپ جاتقانىن ايتتى», – دەلىنگەن حابارلامادا.
