Búgin baspana kezegine turý platformasy iske qosyldy. Neni bilýimiz tıis

Foto: BAQ.KZ

24 mamyr kúni saǵat 9:00-de baspana alý kezegine turý úshin onlaın ótinish berý bastaldy, dep habarlaıdy Qandastar.kz aqparattyq saıty.

Azamattar úı kezegine «Otbasy bankiniń» jańa aqparattyq júıesi arqyly tura alady. Júıeniń ataýy – Turǵyn úımen qamtamasyz etý ortalyǵy. Ol orken.otbasybank.kz portalynda ornalasqan, Jalpy búginnen bastap Qazaqstandaǵy turǵyn úı kezegi tolyǵymen «Otbasy bankiniń» basqarýyna ótti.

О́tinim bergen kezde júıe sizdiń jasyńyzdy, sońǵy 5 jylda turǵyn úı ıesi bolmaǵanyńyzdy avtomatty túrde tekseredi. Eger barlyq talaptarǵa saı kelseńiz, bir kún ishinde kezekke túsesiz. Qosymsha qujattar qajet bolsa, mysaly, úıińizdiń apatty jaǵdaıda ekenin dáleldeıtin anyqtama onda ótinim 3 jumys kúninde qaralady. Demalysta bergen ótinimder kelesi jumys kúni óńdeledi.

Taǵy bir ereksheligi, júıe tek páterdiń bar-joǵyn ǵana emes, sizdiń otbasyńyzdyń áleýmettik mártebesin, tabys deńgeıin, qandaı tólemder alatynyńyzdy tolyq qarap shyǵady. Munyń bári memleket tarapynan qandaı kómek usynýǵa bolatynyn anyqtaý úshin qajet. «Otbasy banki» bul júıeni 14 túrli memlekettik derekqormen biriktirip, aqparattardy avtomatty túrde tekserýge múmkindik berip otyr. О́tinim berilgen soń sizge jáne otbasy múshelerine 1414 nómirinen SMS keledi. Onda derbes derekterdi óńdeýge kelisý suralady. Bul habarlamaǵa mindetti túrde jaýap berý kerek. Jaýap bermeseńiz, ótinim qaralmaıdy.

Eń basty jańalyq, budan bylaı úıge kezekke tek áleýmettik osal toptar ǵana emes, sońǵy 5 jylda baspanasy bolmaǵan kez kelgen azamat tura alady. Iaǵnı, úıim joq, biraq jumys istep, tabys taýyp júrsem de, endi kezekke turýǵa quqyǵym bar.