Búgin – Denıs Tenniń týǵan kúni

Foto: ashyq derekkóz

Tanymal mánerlep syrǵanaýshy Denıs Ten 1993 jyly 13 maýsymda Almaty qalasynda ómirge kelgen. Ol 2009 jyly álem chempıonatyna alǵash ret qatysyp, úzdik on mánerlep syrǵanaýshynyń qataryna kirgen bolatyn, dep habarlaıdy qandastar.kz

Denıs — Koreı ımperııasy kezinde dańqty qolbasshy bolǵan general Mın Gynhonyń urpaǵy.

Mánerlep syrǵanaýdan bólek, tennıs, akrobatıka, taekvondo, karate, júzýmen aınalysyp, bı jáne sýret salý mektebine barǵan.

Mýzyka mektebinde 5 synypty támamdap, horǵa qatysqan. 2002 jyly Denıs Ten qatysqan hor ujymy Pýsandaǵy Hor Olımpıadasynda kúmis medal ıelendi. Keıinnen mánerlep syrǵanaýmen aınalysýǵa birjola den qoıdy.

2003 jyly «Hrýstalnyı konek» týrnırinde ony Elena Býıanova (Vodorezova) baıqap, Máskeýge óziniń qol astynda jattyǵýǵa shaqyrady. Ten eresek sportshylarmen jarysyp, 2006 jylǵy Qazaqstan chempıonatyn jeńedi.

Biraq halyqaralyq deńgeıde tek kelesi jyldan bastap kórine bastady, oǵan Halyqaralyq konkımen syrǵanaýshylar odaǵynyń jas shekteýleri (13 jas) sebep boldy.