جاڭالىقتار
بۇگىن ەلىمىزدىڭ باسىم بولىگىندە اپتاپ ىستىق بولادى
سينوپتيكتەر 2025 جىلدىڭ 6 شىلدەسىندە, جەكسەنبىدە قازاقستاندا اۋا رايى قانداي بولاتىنىن ايتتى, دەپ حابارلايدى Qandastar.kz.
بولجامعا سايكەس, ەرتەڭ رەسپۋبليكامىزدىڭ باسىم بولىگىنە تسيكلون جانە ونىمەن بايلانىستى اتموسفەرالىق فرونتالدى بولىكتەردىڭ اسەرىنەن تۇراقسىز اۋا رايى سيپاتى ساقتالادى.
«ەل اۋماعىندا نايزاعاي ويناپ, جاڭبىر جاۋادى دەپ كۇتىلەدى. سولتۇستىك پەن شىعىستا, اسىرەسە تابيعات مىنەز تانىتادى. كەيبىر اۋدانداردا بۇرشاق جاۋى مۇمكىن», — دەيدى «قازگيدرومەت» رمك.
تەك ەلىمىزدىڭ وڭتۇستىگىندە, وڭتۇستىك-شىعىسىندا جانە ورتالىعىندا انتيتسيكلون اسەرىنەن جاۋىن-شاشىنسىز اۋا رايى كۇتىلەدى. رەسپۋبليكا بويىنشا ورتاق تابيعي قۇبىلىس — جەلدىڭ ەكپىن الۋى. سولتۇستىك پەن شىعىستا داۋىل تۇرىپ, سولتۇستىك-باتىستا جانە سولتۇستىكتە تۇندە جانە تاڭەرتەڭ تۇمان تۇسەدى. كۇندىز الماتى وبلىسىندا سىناپ باعانى +35 گرادۋسقا دەيىن كوتەرىلىپ, اپتاپ ىستىق بولادى دەپ كۇتىلەدى.
