بۇگىن ەۋروپا چەمپيوناتىندا قاي قۇرامالار وينايدى

فوتو: mainsport.ru

فۋتبولدان 2024 جىلعى ەۋروپا چەمپيوناتىنىڭ ونىنشى ويىن كۇنى, 23 ماۋسىمدا ءۇشىنشى تۋر ويىندارى باستالادى, دەپ جازادى Egemen.kz.

بۇگىن ەۋروپا دوداسىندا قاي قۇرامالار وينايدى.

ا توبىندا شۆەيتساريا مەن گەرمانيا وينايدى.

كەزدەسۋ فرانكفۋرت قالاسىنداعى «دويچە بانك پارك» ستاديونىندا بولادى.

ەكى قۇراما بۇعان دەيىن 36 مارتە كەزدەستى. شۆەيتساريا 8, گەرمانيا 21 مارتە جەڭىسكە جەتسە, قالعانى تەڭ ناتيجەمەن اياقتالدى.

اتالعان توپتاعى تاعى ءبىر كەزدەسۋ شوتلانديا مەن ۆەنگريا اراسىندا بولادى.

كەزدەسۋ شتۋتگارت قالاسىنداعى «مەرسەدەس-بەنتس-ارەنا» ستاديونىندا بولادى.

قازىرگە دەيىن قۇرامالار 9 مارتە كەزدەسىپ, 3-دە شوتلانديا, 4-دە اۆستريا باسىم تۇسسە, قالعانىندا تەڭ ناتيجە تىركەلدى.

ويىندار قازاقستان ۋاقىتىمەن 00.00-دە «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.

العاشقى تۋردا گەرمانيا شوتلانديا 5:1, شۆەيتساريا ۆەنگريانى 3:1 ەسەبىمەن جەڭدى.

ەكىنشى تۋردا گەرمانيا ۆەنگريانى 2:0 ەسەبىمەن تىزە بۇكتىرسە, شوتلانديا مەن شۆەيتساريا 1:1 ەسەبىمەن تەڭ وينادى.