بۇگىن حامەنوۆانىڭ ءىسى بويىنشا ءۇشىنشى سوت وتىرىسى وتەدى

اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆا مەن وبلىستىق مادەنيەت, تىلدەردى دامىتۋ جانە مۇراعات ءىسى باسقارماسىنىڭ باسشىسى اقىلبەك رىسقاليەۆ بويىنشا ءۇشىنشى سوت وتىرىسى وتەدى, — دەپ حابارلايدى Kznews.kz تىلشىسى.

وبلىستىق سوتتىڭ ءباسپاسوز قىزمەتىنىڭ مالىمەتىنشە, 26 مامىردا اتىراۋ قالاسىنىڭ №2 سوتىنا اتىراۋ وبلىسى اكىمىنىڭ ورىنباسارى باقىتگۇل حامەنوۆا مەن اتىراۋ وبلىسىنىڭ مادەنيەت, تىلدەردى دامىتۋ جانە مۇراعات ءىسى باسقارماسىنىڭ باسشىسى اقىلبەك رىسقاليەۆكە قاتىستى قىلمىستىق ءىس كەلىپ تۇسكەن. حامەنوۆا مەن رىسقاليەۆقا قر قىلمىستىق كودەكسىنىڭ 366-بابى 3-بولىگى 2-تارماعى (س) بويىنشا ايىپ تاعىلدى.

11 تامىزدا كەزەكتى سوت وتىرىسىندا حامەنوۆانىڭ ءىسى بويىنشا وبلىستىق مادەنيەت, تىلدەردى دامىتۋ جانە مۇراعات ءىسى باسقارماسىنىڭ باسشىسى اقىلبەك رىسقاليەۆتەن جاۋاپ الىندى.