Búgin Hamenovanyń isi boıynsha úshinshi sot otyrysy ótedi

Atyraý oblysy ákiminiń burynǵy orynbasary Baqytgúl Hamenova men oblystyq mádenıet, tilderdi damytý jáne muraǵat isi basqarmasynyń basshysy Aqylbek Rysqalıev boıynsha úshinshi sot otyrysy ótedi, — dep habarlaıdy Kznews.kz tilshisi.

Oblystyq sottyń baspasóz qyzmetiniń málimetinshe, 26 mamyrda Atyraý qalasynyń №2 sotyna Atyraý oblysy ákiminiń orynbasary Baqytgúl Hamenova men Atyraý oblysynyń mádenıet, tilderdi damytý jáne muraǵat isi basqarmasynyń basshysy Aqylbek Rysqalıevke qatysty qylmystyq is kelip túsken. Hamenova men Rysqalıevqa QR Qylmystyq kodeksiniń 366-baby 3-bóligi 2-tarmaǵy (s) boıynsha aıyp taǵyldy.

11 tamyzda kezekti sot otyrysynda Hamenovanyń isi boıynsha oblystyq mádenıet, tilderdi damytý jáne muraǵat isi basqarmasynyń basshysy Aqylbek Rysqalıevten jaýap alyndy.