جاڭالىقتار
بۇگىن وليمپيادا چەمپيونى ەلدوس سمەتوۆتىڭ تۋعان كۇنى
فوتو: اشىق دەرەككوز
2024 جىلى پاريجدە وتكەن جازعى وليمپيادا ويىندارىندا ەلدوس فينالدىق بەلدەسۋدە فرانتسۋز سپورتشىسى لۋكا محەيدزەدەن باسىم ءتۇسىپ, التىن مەدالعا قول جەتكىزدى.
32 جىل بۇرىن (1992) قازاق دزيۋدوشىسى, 2024 جىلعى وليمپيادا چەمپيونى ەلدوس باقتىباي ۇلى سمەتوۆ دۇنيەگە كەلدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
جامبىل وبلىسى لۋگوۆ اۋدانىنا قاراستى كامەنكا (قازىرگى جالپاقساز) اۋىلىندا تۋعان. قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى.
2011 جىلدان باستاپ «دينامو» دەنە شىنىقتىرۋ جانە سپورت قوعامى قوعامدىق بىرلەستىگىندە قىزمەت ەتەدى. دزيۋدودان قازاقستان جاستار قۇراماسىنىڭ ساپىندا ونەر كورسەتۋ كەزىندە سمەتوۆ جاستار اراسىنداعى الەم چەمپيوناتىندا (2010 جانە 2011) التىن جانە قولا مەدالداردى جەڭىپ الدى. 2012 جىلدان باستاپ ەرەسەكتەر ۇلتتىق قۇراماسىندا وينايدى. 2013 جىلى بانگكوكتا وتكەن ازيا چەمپيوناتىندا قولا, سامسۋنداعى گران-پري كەزەڭىندە جانە تبيليسيدە وتكەن ەۋروپا كۋبوگى كەزەڭىندە كۇمىس, ۆارشاۆادا وتكەن دزيۋدودان ەۋروپانىڭ اشىق كۋبوگىندا التىن جۇلدەگەر اتاندى. ول 2015 جىلى استانادا وتكەن جارىستىڭ فينالىندا تاعى ءبىر قازاق بالۋانى رۋستام يبراەۆتى جەڭىپ, دزيۋدودان الەم چەمپيونى اتاندى. 2016 جىلى ريو-دە-جانەيرودا وتكەن جازعى وليمپيادا ويىندارىندا كۇمىس مەدال جەڭىپ الدى. 2018 جىلى 17 ناۋرىزدا ەكاتەرينبۋرگتە (رەسەي) وتكەن «ۇلكەن دۋلىعا» تۋرنيرىندە جەڭىسكە جەتتى. 2019 جىلدىڭ ءساۋىر ايىندا تۇركيانىڭ انتاليا قالاسىندا وتكەن گران-پري ءتۋرنيرىنىڭ جەڭىمپازى اتاندى. شىلدە ايىندا بۋداپەشتتە (ۆەنگريا) وتكەن گران-پري ءتۋرنيرىنىڭ جەڭىمپازى اتاندى. 2019 جىلى توكيودا وتكەن وليمپيادا الدىنداعى الەم چەمپيوناتىندا قولا جۇلدەگەر اتاندى. توكيودا وتكەن جازعى وليمپيادا ويىندارىندا 60 كەلى سالماقتا قولا جۇلدەگەر اتاندى. تاشكەنتتە وتكەن دزيۋدودان الەم چەمپيوناتىندا قولا جۇلدەگەر اتاندى.
2024 جىلى پاريجدە وتكەن جازعى وليمپيادا ويىندارىندا ەلدوس فينالدىق بەلدەسۋدە فرانتسۋز سپورتشىسى لۋكا محەيدزەدەن باسىم ءتۇسىپ, التىن مەدالعا قول جەتكىزدى.
3-دارەجەلى «پاراسات» جانە «بارىس» وردەندەرىمەن ماراپاتتالعان.
