بۇگىن – وزبەكالى جانىبەكوۆتىڭ تۋعان كۇنى

فوتو: اشىق دەرەككوز

بۇگىن ءومىرى ونەگەگە تولى قوعام قايراتكەرى وزبەكالى جانىبەكوۆتىڭ تۋعان كۇنى, – دەپ حابارلايدى qandastar.kz.

1931 جىلدىڭ 28 تامىزىندا قازىرگى تۇركىستان وبلىسى, وتىرار اۋدانىنداعى ماياقۇم اۋىلىندا وزبەكالى جانىبەكوۆ دۇنيەگە كەلگەن. اتا-اناسىنان ەرتە ايىرىلعان وزبەكالى جانىبەكوۆ الماتىداعى اباي اتىنداعى قازاق پەداگوگيكالىق ينستيتۋتىنىڭ تاريح فاكۋلتەتىن 1952 جىلى ويداعىداي ءتامامدايدى. ۇلت جاناشىرى ءوز ەڭبەك جولىن وڭتۇستىك قازاقستان وبلىسى, كەلەس اۋدانىندا مەكتەپ مۇعالىمى, وقۋ ءىسىنىڭ مەڭگەرۋشىسى بولىپ باستاعان بولاتىن. 1955–1962 جىلدارى كەلەس اۋدانىنىڭ كومسومول كوميتەتىنىڭ حاتشىسى, ءبىرىنشى حاتشىسى, ودان كەيىن وڭتۇستىك قازاقستان وبلىستىق كومسومول كوميتەتىنىڭ حاتشىسى, ءبىرىنشى حاتشىسى قىزمەتىندە بولادى.

بۇگىندە قايراتكەر ەسى­مى­­­ ۇلىقتالىپ كەلەدى.

اردا ازامات ورتالىق كوميتەت كو­ميس­سيا­سىن ۇيىمداستىرۋعا مۇ­­رىندىق بولىپ, الاش پارتيا­سى كوسەمدەرىنىڭ ەسىمدەرى مەن ەڭ­­بەكتەرىن حالىققا قايتارۋ جونىندە اتقارعان ءىسى تاريحتىڭ اقتاڭداق بەتتەرىنىڭ اشىلۋىنا زور ىقپال ەتكەن.

ەلدىڭ جوعىن تۇگەندەگەن ۇلتجاندى تۇلعا

وزبەكالى جانىبەكوۆ ورتالىق كوميتەتتە شەتەلدەرمەن بايلانىس ءبولىمىنىڭ مەڭگەرۋشىسى قىزمەتىندە ەلدىڭ سىرتقى بايلانىسىنىڭ نىعايۋىنا ۇيىتقى بولا بىلگەن.

وزبەكالى جانىبەكوۆ جانە تايقازان

تۇركى جۇرتىنا كيەلى شاڭىراق سانالعان— قوجا احمەت ياساۋي كەسەنەسى. كەسەنەنى مۋزەي ەتىپ قۇرۋ بارىسىندا تايقازاندى ەلگە قايتارىپ, قايتا ورنىنا قويۋدا بەلگىلى قوعام قايراتكەرى, تاريحشى-ەتنوگراف عالىم وزباكالى جانىبەكوۆتىڭ سىڭىرگەن ەڭبەگى ەرەكشە.

مادەنيەت ءمينيسترى بولعان وزبەكالى جانىبەكوۆ 1998 جىلدىڭ اقپاننىڭ 22-ءسى كۇنى قايتىس بولدى.