بۇگىن پرەمەر-ءمينيستردىڭ توراعالىعىمەن ۇكىمەت وتىرىسى ءوتتى

فوتو: gov.kz

بۇگىن پرەمەر-ءمينيستردىڭ توراعالىعىمەن وتكەن ۇكىمەت وتىرىسىندا قارجى ءمينيسترى ءمادي تاكيەۆ مەملەكەتتىك بورىشتىڭ قازىرگى جاعدايى جانە ونى باسقارۋ جونىندەگى شارالار تۋرالى بايانداما جاسادى, دەپ حابارلايدى qandastar.kz

ءمينيستردىڭ ايتۋىنشا, 2024 جىلعى 1 شىلدەدەگى جاعداي بويىنشا قازاقستاننىڭ مەملەكەتتىك قارىزى 31,9 ترلن تەڭگەنى نەمەسە جالپى ىشكى ءونىمنىڭ ء(جىو) 21,1%-ىن قۇراپ وتىر. جىل باسىنان بەرى بورىش كولەمى 40 ملرد تەڭگەگە ۇلعايعان. نەگىزگى ءوسۋ سەبەپتەرى – رەسپۋبليكالىق بيۋدجەت تاپشىلىعىن قارجىلاندىرۋ جانە بۇرىن الىنعان قارىزداردى يگەرۋ.

جالپى ىشكى ءونىمنىڭ ءوسىمى قارقىنىنىڭ ارقاسىندا, مەملەكەتتىك بورىشتىڭ جالپى ىشكى ونىمگە قاتىناسى تومەندەۋى جالعاسۋدا: 2020 جىلعى 29,2%-دان, 2024 جىلى 23,5%-عا دەيىن. وسىلايشا, 2030 جىلعا دەيىنگى قازاقستان رەسپۋبليكاسىنىڭ مەملەكەتتىك قارجىسىن باسقارۋ تۇجىرىمداماسىندا بەلگىلەنگەن جالپى ىشكى ونىمگە 32% كولەمىندەگى مەملەكەتتىك بورىش ءليميتى ساقتالىپ وتىر», دەلىنگەن حابارلامادا.

دەرەك بويىنشا, 2024 جىلعى 24 ماۋسىمدا قارجى مينيسترلىگى حالىقارالىق نارىقتا جالپى سوماسى 2,5 ملرد اقش دوللارىنا تەڭ ەۆروبوندتاردى ءساتتى ورنالاستىرعان. بۇل 2015 جىلى الىنعان سىرتقى قارىزدار بويىنشا الداعى تولەمدەردى تولىق قايتا قارجىلاندىرۋعا مۇمكىندىك بەرىپ, جيىنتىق بورىش كولەمىن ۇلعايتپاي شەشىم قابىلداۋعا جول اشقان.