ءبىلىم
بۇگىن – ۇلتتىق كىتاپ كۇنى
بىلتىر اتىراۋدا وتكەن ۇلتتىق قۇرىلتايدا مەملەكەت باسشىسى ۇلتتىق كىتاپ كۇنىن بەلگىلەۋ جونىندە تاپسىرما بەرگەن بولاتىن, دەپ حابارلايدى qandastar.kz
سوعان سايكەس, بيىلدان باستاپ 23 ءساۋىر – ۇلتتىق كىتاپ كۇنى بولىپ بەلگىلەندى.
بۇل تۋرالى اقوردانىڭ ءباسپاسوز قىزمەتى ءمالىم ەتتى.
اتاۋلى كۇنگە وراي پرەزيدەنت قاسىم-جومارت توقاەۆ قازاقستاندىقتاردى قۇتتىقتادى.
– بيىل العاش رەت اتالىپ جاتقان ۇلتتىق كىتاپ كۇنى قۇتتى بولسىن! بۇل – بىلىمپازدىق, ىزدەنىمپازدىق, كىتاپقۇمارلىق سياقتى يگى قاسيەتتەردى دارىپتەيتىن كۇن. كىتاپ وقىعان ۇرپاق وزىق ويلى بولادى. ساپالى ۇلت وسىنداي قۇندىلىقتار ارقىلى قالىپتاسادى, – دەلىنگەن قۇتتىقتاۋدا.
