Búgin – veterınarlar kúni

2002 jyly 10 shildede «Veterınarııa týraly» Qazaqstan Respýblıkasynyń Zańy qabyldandy. 2024 jyly 10 shildede alǵash ret «Veterınarlyq qyzmetker kúni» atalyp ótildi.

Veterınarııalyq qyzmet árdaıym epızootııalyq salaýattylyqty saqtaý boıynsha qıyn jáne óte mańyzdy jumystardy atqardy. Onyń negizgi mindetteri – epızootııaǵa qarsy jáne emdeý-profılaktıkalyq is-sharalar keshenin ýaqtyly júrgizý.

Naqty veterınarlyq mamandar kúndelikti jumysymen janýarlardyń densaýlyǵyn qorǵaýdy qamtamasyz etedi jáne adamdy aýrýlardan qorǵaıdy, epızootııalyq ál-aýqatty qamtamasyz etýge aıtarlyqtaı úles qosady.

Memleket Basshysy Qasym-Jomart Kemeluly Toqaev 2021 jylǵy 01 qyrkúıektegi Qazaqstan halqyna Joldaýynda Veterınarııa – memlekettiń bıologııalyq qaýipsizdik júıesiniń bir bóligi ekenin atap ótti.

Veterınarııalyq qyzmettiń maqsaty – aýyl sharýashylyǵy janýarlarynyń aýrýlarynyń aldyn alý jáne joıý, olardyń saqtalýyn jáne ónimdiligin arttyrýdy qamtamasyz etý, mal sharýashylyǵy ónimderiniń sapasyn jaqsartý, sondaı-aq halyqty adamdar men janýarlarǵa ortaq aýrýlardan qorǵaý.

Ýaqtyly júrgiziletin veterınarııalyq is-sharalardyń jáne sapaly baqylaýdy júzege asyrýdyń arqasynda azamattar mal sharýashylyǵynyń qaýipsiz ónimin tutynady.

Veterınarlyq qyzmetker kúni-bul qıyn mamandyqty tańdaǵandardyń barlyǵyna alǵys sózderin aıtýǵa qosymsha múmkindik beretin mereke. Veterınarııalyq qyzmettiń bedeli barlyq deńgeıdegi mamandardyń janqııarlyq, úılesimdi jumysynyń arqasynda jyl saıyn nyǵaıyp keledi.