بۇگىن جانداربەك مالىبەكوۆتىڭ تۋعان كۇنى

فوتو: اشىق دەرەككوز

وسىدان 83 جىل بۇرىن (1942) سۋرەتشى جانە ساۋلەتشى, قازاقستان رەسپۋبليكاسى مەملەكەتتىك ەلتاڭباسىنىڭ اۆتورى جانداربەك مالىبەك ۇلى مالىبەكوۆ دۇنيەگە كەلدى, دەپ حابارلايدى qandastar.kz

قىزىلوردا وبلىسىندا تۋعان. تاشكەنت پوليتەحنيكالىق ينستيتۋتىنىڭ ساۋلەت فاكۋلتەتىن بىتىرگەن.

ەڭبەك جولى: وزبەكستان عىلىمي-زەرتتەۋ ونەركاسىبى ينستيتۋتىنىڭ (وزبعزي) قالا قۇرىلىسى شەبەرحاناسىنىڭ مەڭگەرۋشىسى. اندىجانداعى اەروۆوكزالدىڭ, فەرعاناداعى وبلىستىق پوشتا بولىمشەسىنىڭ, وبلىستىق باسقارمانىڭ, سامارقاندتاعى دراما تەاترى مەن ورتالىق كىتاپحاناسىنىڭ عيماراتتارىن, انگرەن قالالارىنداعى بىرقاتار تۇرعىن ىقشام اۋدانداردى جوبالاۋعا بەلسەنە قاتىستى. مەملەكەتتىك رامىزدەر جونىندەگى رەسپۋبليكالىق كوميسسيانىڭ مۇشەسى.

1992 جىلدىڭ باسىندا ج.مالىبەكوۆ قاتىسقان تاۋەلسىز قازاقستاننىڭ مەملەكەتتىك رامىزدەرىنىڭ ۇزدىك جوباسىنا بايقاۋ جاريالاندى. ۇزدىك مەملەكەتتىك رامىزگە ارنالعان اۋقىمدى بايقاۋعا 245 جوبا قاتىستى. كوميسسيا اپتا سايىن جينالىپ, سوڭىندا مالىبەكوۆتىڭ جوباسى دەپۋتاتتاردىڭ قاراۋىنا ۇسىنىلدى.

2003 جىلدان بەرى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە جۇمىس ىستەيدى, پروفەسسور.

«قۇرمەت», «بارىس» وردەندەرىمەن, «قازاقستان رەسپۋبليكاسىنىڭ تاۋەلسىزدىگىنە 10 جىل», «قازاقستاننىڭ ەڭبەك ارداگەرى» مەدالدارىمەن ماراپاتتالعان. «وزبەكستان رەسپۋبليكاسىنىڭ ەڭبەك سىڭىرگەن ساۋلەتشىسى» جانە «قازاقستاننىڭ ەڭبەك سىڭىرگەن قايراتكەرى» قۇرمەتتى اتاقتارى بار. مادەنيەت جانە ونەر سالاسىنداعى قازاقستان رەسپۋبليكاسىنىڭ مەملەكەتتىك ستيپەندياسىنىڭ يەگەرى.