بۇگىنگى ماتچتان كەيىن رەسەيلىك ستانيسلاۆ چەرچەسوۆ ورنىنان كەتۋى مۇمكىن

ماسكەۋدىڭ «سپارتاك» جانە «دينامو» كلۋبتارىنىڭ ديرەكتورى بولعان يۋري زاۆارزين «ماتچ تۆ» تەلەارناسىنا بەرگەن سۇحباتىندا قازاقستان قۇراماسىنىڭ باس باپكەرى ستانيسلاۆ چەرچەسوۆ وتستاۆكاعا كەتۋى مۇمكىن ەكەنىن ايتتى, دەپ حابارلايدى qandastar.kz 1bol.kz سايتىنا سىلتەمە جاساپ.

سوڭعى بەس ايدان بەرى ۇلتتىق قۇرامانى ستانسلاۆ چەرچەسوۆ جاتتىقتىرىپ ءجۇر. بەيسەنبى كۇنى چەرچەسوۆتىڭ باپكەرلىگىمەن قازاقستان قۇراماسى اۋستريادان 0:4 ەسەبىمەن جەڭىلدى. ونىڭ الدىندا سلوۆەنيادان 0:3 ەسەبىمەن ۇتىلسا, نورۆەگيامەن تەڭ تارقاسقان (0:0). ءۇش ماتچتا دا قازاقستان فۋتبولشىلارى بىردە-ءبىر گول سالا المادى.

«قازاقستان قۇراماسىنىڭ اۋستريادان ءىرى ەسەپپەن ۇتىلۋى – مەنى تاڭ قالدىرعان جوق. نورۆەگيامەن تەڭ تۇسكەننەن كەيىن-اق بۇلار ەندى ۇپاي المايدى دەپ ايتقانمىن. مەنىڭشە, سولاي بولادى. وتستاۆكا دا جاقىنداپ قالعان سياقتى. سلوۆەنيامەن ويىننان كەيىن كەتۋى مۇمكىن. ستانيسلاۆتىڭ تاڭداۋى از, ويىنشىلاردىڭ دەڭگەيى تومەن. ءوزى دە مىنەزى وڭاي ادام ەمەس. فۋتبولشىلارى دا سول شامالاس», – دەيدى زاۆارزين.

ايتا كەتەيىك, بۇگىن قازاقستان الماتىدا سلوۆەنيانى قابىلدايدى. ويىن 18:00-دە باستالادى.