Búgingi matchtan keıin reseılik Stanıslav Cherchesov ornynan ketýi múmkin

Máskeýdiń «Spartak» jáne «Dınamo» klýbtarynyń dırektory bolǵan Iýrıı Zavarzın «Match TV» telearnasyna bergen suhbatynda Qazaqstan quramasynyń bas bapkeri Stanıslav Cherchesov otstavkaǵa ketýi múmkin ekenin aıtty, dep habarlaıdy qandastar.kz 1bol.kz saıtyna silteme jasap.

Sońǵy bes aıdan beri ulttyq quramany Stanslav Cherchesov jattyqtyryp júr. Beısenbi kúni Cherchesovtiń bapkerligimen Qazaqstan quramasy Aýstrııadan 0:4 esebimen jeńildi. Onyń aldynda Slovenııadan 0:3 esebimen utylsa, Norvegııamen teń tarqasqan (0:0). Úsh matchta da Qazaqstan fýtbolshylary birde-bir gol sala almady.

«Qazaqstan quramasynyń Aýstrııadan iri eseppen utylýy – meni tań qaldyrǵan joq. Norvegııamen teń túskennen keıin-aq bular endi upaı almaıdy dep aıtqanmyn. Menińshe, solaı bolady. Otstavka da jaqyndap qalǵan sııaqty. Slovenııamen oıynnan keıin ketýi múmkin. Stanıslavtyń tańdaýy az, oıynshylardyń deńgeıi tómen. О́zi de minezi ońaı adam emes. Fýtbolshylary da sol shamalas», – deıdi Zavarzın.

Aıta keteıik, búgin Qazaqstan Almatyda Slovenııany qabyldaıdy. Oıyn 18:00-de bastalady.