بۇگىننەن باستاپ كىمدەر بانكروتتىققا ءوتىنىش تاستاي الادى?

فوتو: اشىق دەرەككوز

2025 جىلدىڭ 1 قاڭتارىنان باستاپ قازاقستاندىقتار بانكروتتىققا ءوتىنىش بەرە الادى. بۇل مۇمكىندىكتى بانك, ميكروقارجى ۇيىمدارى الدىنداعى بەرەشەگى بار جەكە تۇلعالار قولدانۋعا قۇقىلى, – دەپ حابارلايدى qandastar.kz

ماسەلەن, جىل باسىنان بەرى الماتىدا بانكروت دەپ تانۋ ءۇشىن تۇرعىنداردان 6 500-دەن استام ءوتىنىش تۇسكەن. الماتى قالاسى بويىنشا مەملەكەتتىك كىرىستەر دەپارتامەنتىنىڭ مالىمەتىنشە, تالاپقا ساي كەلمەگەن 4 200 ازاماتتىڭ ءوتىنىشى ماقۇلدانباعان.

– تەك 737 جەكە تۇلعا سوت شەشىمىمەن «بانكروت» دەپ تانىلدى. ءالى دە مىڭنان استام ازاماتتىڭ ءوتىنىشى قارالىپ جاتىر. مامانداردىڭ سوزىنشە, قارىز الۋشىعا بىرنەشە تالاپ قويىلادى, – دەپ جازادى qazaqstan.tv.

ەگەر سول شارتتارعا ساي كەلسە, جەكە تۇلعا بانكروت دەپ تانىلادى. ءوتىنىشتى 2025 جىلدىڭ 1 قاڭتارىنان باستاپ ونلاين بەرۋگە بولادى.

«ازامات بانكروت بولسا, ونىڭ سالدارى بار. بىرىنشىدەن, ەكىنشى دەڭگەيلى بانكتەردەن نەمەسە ميكروقارجى ۇيىمدارىنان 5 جىل قاتارىنان نەسيە الا المايدى. ەكىنشى جاعداي – بۇل جەردە 7 جىل, كەلەسى بانكروتتىق 7 جىلدان كەيىن قولدانىلادى. ودان كەيىن ءۇشىنشى ماسەلە – بانكروت بولعاننان كەيىن 3 جىل قاتارىنان م ۇلىك الىپ جاتسا, وعان باقىلاۋ جۇرگىزىلەدى. eGov پلاتفورماسى ارقىلى نەمەسە e-Gov mobile قوسىمشالارى ارقىلى ءوتىنىش بەرە الادى»,  – دەدى ناۋرىزباي اۋدانى بويىنشا مەملەكەتتىك كىرىستەر باسقارماسىنىڭ باسشىسى بەرىك كايپوۆ.