Búginnen bastap kimder bankrottyqqa ótinish tastaı alady?

Foto: ashyq derekkóz

2025 jyldyń 1 qańtarynan bastap qazaqstandyqtar bankrottyqqa ótinish bere alady. Bul múmkindikti bank, mıkroqarjy uıymdary aldyndaǵy bereshegi bar jeke tulǵalar qoldanýǵa quqyly, – dep habarlaıdy qandastar.kz

Máselen, jyl basynan beri Almatyda bankrot dep taný úshin turǵyndardan 6 500-den astam ótinish túsken. Almaty qalasy boıynsha Memlekettik kirister departamentiniń málimetinshe, talapqa saı kelmegen 4 200 azamattyń ótinishi maquldanbaǵan.

– Tek 737 jeke tulǵa sot sheshimimen «bankrot» dep tanyldy. Áli de myńnan astam azamattyń ótinishi qaralyp jatyr. Mamandardyń sózinshe, qaryz alýshyǵa birneshe talap qoıylady, – dep jazady qazaqstan.tv.

Eger sol sharttarǵa saı kelse, jeke tulǵa bankrot dep tanylady. О́tinishti 2025 jyldyń 1 qańtarynan bastap onlaın berýge bolady.

«Azamat bankrot bolsa, onyń saldary bar. Birinshiden, ekinshi deńgeıli bankterden nemese mıkroqarjy uıymdarynan 5 jyl qatarynan nesıe ala almaıdy. Ekinshi jaǵdaı – bul jerde 7 jyl, kelesi bankrottyq 7 jyldan keıin qoldanylady. Odan keıin úshinshi másele – bankrot bolǵannan keıin 3 jyl qatarynan múlik alyp jatsa, oǵan baqylaý júrgiziledi. eGov platformasy arqyly nemese e-Gov mobile qosymshalary arqyly ótinish bere alady»,  – dedi Naýryzbaı aýdany boıynsha Memlekettik kirister basqarmasynyń basshysy Berik Kaıpov.