Býkmekerlerdiń quryǵyna túspeýdiń jalǵyz joly — shyndyqqa týra qaraý — “Jańa adamdar” belsendisi

Qazaqstandyqtar qumar oıyndarǵa óz densaýlyǵyna qaraǵanda eki ese kóp qarjy jumsaıdy. Nebári sońǵy úsh aıdyń ishinde Qazaqstan azamattary júz mıllıardqa jýyq teńgege utylyp qalǵan. Sońǵy birneshe jylda elimizde qumar oıyndar naryǵy úsh esege deıin ósip,  qoǵamnyń basty áleýmettik aýrýlarynyń biri lýdomanııa keń etek jaıyp jatyr. Lýdomanııa otbasylardy buzady, halyqty permanentti ekonomıkalyq jáne tulǵalyq krızıske ushyratyp, basqa da táýeldilik túrlerine, atap aıtqanda, maskúnemdik, esirtkige táýeldilik, selfharmany qozdyryp, ózin-ózi óltirýge deıin alyp keledi.

Adamdar ońaı jolmen baıyp ketetinine sengisi keledi. Sondaǵysy, «sátti túsedi» degen bir oıyn. Býkmekerler halyqtyń osy qalaýyn óz maqsatyna paıdalanýǵa tyrysady. Iaǵnı, tez utys jáne sansyz aqsha ýádelerimen ózine tartady, utys tigýdiń zııandaryn aıtpaı, tek áleýetti artyqshylyqtaryn alǵa tartady. Bul — ádiletsizdik. Jaı ǵana aldaý.

Jańa adamdardyń «Stavkı na stop» jobasy Astanadaǵy tanymal býkmeker keńsesiniń jarnamalyq bannerin qumar oıyndarynyń barlyq kórinisin ashatyn ózderiniń «shyndyq bannerimen» jaýyp tastady. Statıstıka boıynsha, qumar oıynǵa táýeldi adamdardyń 40% otbasynan aıyrylsa, 20% túrli qylmystar jasaýǵa barady. Ádettegi qumar oıynshynyń orta eseppen qaryzy 10 mıllıon teńgeni quraıdy. Mine, bkmeker keńseleriniń shynaıy jarnamasy osylaı bolý kerek.

Ǵarıfollaev Meıirjan, “Jańa adamdar” belsendisi:
Qazir elimizde býkmekerlik keńselerdiń jarnamasyn shekteý týraly zań talqylanyp jatqanyn bilemiz. Osy oraıda bar kúshimizben kúresip, adamdardy bul qaýipti táýeldilikten alyp shyǵý mańyzdy. Bir nárseni túsinýimiz kerek: býkmekerlik keńselerdiń qýlyǵyna túsip qalmaý úshin tez ári ońaı jolmen keletin aqshaǵa senýdi toqtatý kerek. Baılyqqa jetýdiń ońaı joly joq. Bizdiń ózindik shyǵarmashylyǵymyz, eńbeksúıgishtik pen pragmatızm — mine naǵyz baılyqqa jetý joldary. Shyndyqqa týra qaraı bileıik. Býkmekerlerdiń quryǵyna túspeýdiń jalǵyz joly — aqshanyń aspannan túspeıtinine senýdi toqtatý.

“Qandastar” silteıdi