«بۇل قادامعا ءجايدان-ءجاي بارمادى»: ايگۇل ورىنبەك شىمكەنت اكىمىنىڭ ورىنباسارىنا وق اتىلۋىنا بايلانىستى پىكىر ءبىلدىردى

زاڭگەر ايگۇل ورىنبەك كۇنى كەشە اكىمدىكتىڭ الدىندا وق جاراقاتىن العان شىمكەنت قالاسى اكىمىنىڭ ورىنباسارى رۋسلان بەردەنوۆكە وق اتىلۋىنا بايلانىستى پىكىر ءبىلدىردى, دەپ حابارلايدى Skifnews.kz اقپارات پورتالى.

21 ءساۋىر كۇنى جۇمىس كۇنى اياقتالا بەرگەندە شىمكەنت قالاسى اكىمىنىڭ ورىنباسارى رۋسلان بەردەنوۆ اكىمدىك عيماراتىنىڭ الدىندا اڭشى مىلتىعىمەن وققا ۇشتى. بەيرەسمي دەرەكتەرگە سۇيەنسەك, كۇدىكتى بۇل ارەكەتكە ايەلىن قىزعانۋ سەبەپتى بارعانى ايتىلعان.

وسى وقيعاعا بايلانىستى زاڭگەر ايگۇل ورىنبەك شىمكەنتتىك شەنەۋنىكتەر اراسىنداعى جەڭىلتەك ارەكەتتەرگە نازار اۋداردى. ول الەۋمەتتىك جەلىدەگى جازباسىندا كەيبىر باسشىلاردىڭ ءتىپتى ۋكراينادان قىزدار الدىرتىپ, كوڭىل كوتەرگەنىن ناقتى بىلەتىنىن جەتكىزدى.

«شىمكەنتتە ءومىر ءسۇرۋ وڭاي ەمەس, ويىنىڭدى وسىپ جىبەرەدى! سايتتاردا تاراپ جاتقان اقپارات راس بولسا, ساۋاپ بولعان ەكەن. بىرەۋدىڭ ايەلىنە سەكسۋالدىق تۇردە قول جۇگىرتۋ نە ماسقارا?! جالپى وڭتۇستىك جاققا كەلگەن كەيبىر اكىمدەر مەن ونىڭ ورىنباسارلارى بۇل جاققا دەمالۋعا كەلەتىن سياقتى. اقشانىڭ بۋىنا ەس جوعالتقانشا ءىشىپ, شەگىپ ۋكراينادان قىزدار الدىرىپ دەمالعان اكىم قارالاردى ناقتى بىلەم!   وق اتقان جىگىت شىمكەنت قالاسىنىڭ اكىمدىگىندە جۇمىس ىستەيدى ەكەن.عابيت سىزدىقبەكوۆ سەن ءوزىڭ باسقارىپ وتىرعان اكىمدىك ءىشىن رەتتەي الماي وتىرسىڭ!

بۇل وقيعادان كەيىن شىمكەنتتى يگەرە المايتىنىڭ ايقىندالدى.پرەزيدەنت اكىمشىلىك توراعاسى ايبەك دادەباي مىرزا! شىمكەنتكە نازار اۋدارىڭىز!»,-دەدى  زاڭگەر ايگۇل ورىنبەك.

زاڭگەر اكىم ورىنباسارىن اتقان ەرنار جايلى اقپارات جيناپ, ونىڭ مۇنداي اركەتەتكە بەكەر بارماعانىن, جەلىدە قايعىلى جاعداي سەبەبىن بۇرمالاۋ باستالىپ كەتكەنىن ايتتى.

«شىققان اقپاراتتى تەرىسكە شىعارىپ, رۋسلان بەردەنوۆتى اقتاۋ پروتسەسى باستالىپ كەتكەن سياقتى. جوعارىدان سونداي تاپسىرما ءتۇستى اۋ! مەن ايەلدەر مەن قىزدار اراسىنداعى زورلىق زومبىلىق ماسەلەسىن بۇرىننان كوتەرىپ جۇرگەن بەلسەندىمىن! جانۋارلار الەمىندە, ەركەگى بار ۇرعاشىعا , حايۋان ەركەك جولامايدى.كۇيەۋى بار ايەلگە قىزمەتتە ءجۇرىپ قىرىنداۋ ول حاراسسمەنت دەپ ايتىلادى. وق اتقان جىگىت مۆد اكادەمياسىن بىتىرگەن اقىل ەسى دۇرىس اكىمدىكتە جۇمىس ىستەيتىن قىزمەتكەر.ەرنار بۇنداي قادامعا ءجايدان ءجاي بارمايدى. ياعني ەرناردى , بەردەنوۆ سونداي اۋىر جاعدايعا جەتكىزگەن بولۋى كەرەك. سپورتسمەن دوستارىنىڭ اراسىندا وتە سىيلى, جاۋاپكەرشىلىگى مول دەپ مىنەزدەمە بەرىپ جاتىر دوستارى»,-دەدى زاڭگەر جەلىدەگى پاراقشاسىندا.