«Bul qadamǵa jáıdan-jáı barmady»: Aıgúl Orynbek Shymkent ákiminiń orynbasaryna oq atylýyna baılanysty pikir bildirdi

Zańger Aıgúl Orynbek kúni keshe ákimdiktiń aldynda oq jaraqatyn alǵan Shymkent qalasy ákiminiń orynbasary Rýslan Berdenovke oq atylýyna baılanysty pikir bildirdi, dep habarlaıdy Skifnews.kz aqparat portaly.

21 sáýir kúni jumys kúni aıaqtala bergende Shymkent qalasy ákiminiń orynbasary Rýslan Berdenov ákimdik ǵımaratynyń aldynda ańshy myltyǵymen oqqa ushty. Beıresmı derekterge súıensek, kúdikti bul áreketke áıelin qyzǵaný sebepti barǵany aıtylǵan.

Osy oqıǵaǵa baılanysty zańger Aıgúl Orynbek shymkenttik sheneýnikter arasyndaǵy jeńiltek áreketterge nazar aýdardy. Ol áleýmettik jelidegi jazbasynda keıbir basshylardyń tipti Ýkraınadan qyzdar aldyrtyp, kóńil kótergenin naqty biletinin jetkizdi.

«Shymkentte ómir súrý ońaı emes, oıynyńdy osyp jiberedi! Saıttarda tarap jatqan aqparat ras bolsa, saýap bolǵan eken. Bireýdiń áıeline seksýaldyq túrde qol júgirtý ne masqara?! Jalpy Ońtústik jaqqa kelgen keıbir ákimder men onyń orynbasarlary bul jaqqa demalýǵa keletin sııaqty. Aqshanyń býyna es joǵaltqansha iship, shegip Ýkraınadan qyzdar aldyryp demalǵan ákim qaralardy naqty bilem!   Oq atqan jigit Shymkent qalasynyń ákimdiginde jumys isteıdi eken.Ǵabıt Syzdyqbekov sen óziń basqaryp otyrǵan ákimdik ishin retteı almaı otyrsyń!

Bul oqıǵadan keıin Shymkentti ıgere almaıtynyń aıqyndaldy.Prezıdent ákimshilik tóraǵasy Aıbek Dádebaı myrza! Shymkentke nazar aýdaryńyz!»,-dedi  zańger Aıgúl Orynbek.

Zańger ákim orynbasaryn atqan Ernar jaıly aqparat jınap, onyń mundaı árketetke beker barmaǵanyn, jelide qaıǵyly jaǵdaı sebebin burmalaý bastalyp ketkenin aıtty.

«Shyqqan aqparatty teriske shyǵaryp, Rýslan Berdenovty aqtaý proesi bastalyp ketken sııaqty. Joǵarydan sondaı tapsyrma tústi aý! Men áıelder men qyzdar arasyndaǵy zorlyq zombylyq máselesin burynnan kóterip júrgen belsendimin! Janýarlar áleminde, erkegi bar urǵashyǵa , haıýan erkek jolamaıdy.Kúıeýi bar áıelge qyzmette júrip qyryndaý ol harassment dep aıtylady. Oq atqan jigit MVD akademııasyn bitirgen aqyl esi durys ákimdikte jumys isteıtin qyzmetker.Ernar bundaı qadamǵa jáıdan jáı barmaıdy. Iaǵnı Ernardy , Berdenov sondaı aýyr jaǵdaıǵa jetkizgen bolýy kerek. Sportsmen dostarynyń arasynda óte syıly, jaýapkershiligi mol dep minezdeme berip jatyr dostary»,-dedi zańger jelidegi paraqshasynda.