«بۇل مەنىڭ قۇلدارىم»: استانادا ءبىر اۋلانىڭ بالالارى دوستارىن ءۇيدىڭ 12-قاباتىنان لاقتىرىپ جىبەرمەك بولعان

فوتو: everystockphoto.com

استانالىق بالالار «سەزىم قالا» تۇرعىن ءۇي كەشەنىنىڭ اۋلاسىندا ويناپ, كوڭىل كوتەرۋ ءۇشىن بالانى ءۇشىنشى قاباتتاعى بالكوننان لاقتىرىپ جىبەرمەك بولعان. بىراق ولاردىڭ بۇل ارەكەتى ءساتسىز اياقتالدى. جابىرلەنۋشىنىڭ اتا-اناسى پوليتسيادان قىلمىسكەرلەردى جازالاۋدى تالاپ ەتىپ وتىر. بۇل تۋرالى Stan.kz اقپارات اگەنتتىگى حابارلايدى.

ء«بىز قازىر مىنا اقىماقتى ءۇيدىڭ 12-قاباتىنان لاقتىرامىز. ال بۇل مەنىڭ قۇلدارىم, تانىسىپ قويىڭىزدار. ولاردىڭ وزدەرى «قۇلدارىم» دەپ ايتۋعا كەلىستى. ولار سانجار, ءنۇرالي, ال ءۇشىنشى ق ۇلىم بوگدان. ال بۇل بەسىنشە جاۋىز. ول ءوزىن بىزگە سۋيتسيد جاساسىن دەپ ايتىپ جاتىر. ءتىپتى ول ءوز رۇقساتىن دا بەردى. سەن كەلىسىپ تۇرسىڭ عوي. سەنى قازىر لاقتىرىپ جىبەرۋگە دايىنسىڭ با? ء«يا, ءيا» دەدى. بوگدان, قانە سۇيرە! ءبىز ونى سۇيرەپ بارا جاتىرمىز! ءبىز جۇمىس ىستەپ جاتىرمىز, قىسقاسى! ال مەن وپەراتورمىن. سۇيرەيمىز. ۇستاڭدار. قانە, جۇمىس ىستەڭدەر. ەركەكتەر, جۇمىس ىستەيمىز, جۇمىس ىستەيمىز… جۇرىڭدەر, لاقتىرىپ جىبەرەيىك. ونى تاستايىق», – دەپ ايعايلادى ۆيدەو اۆتورى.

ولار وزدەرىنەن كىشكەنتاي بالاعا سوڭعى ءسوزىن ايتۋعا مۇمكىندىك بەرگەن.

«سەكىرگىڭ كەلە مە?! ول ء«يا» الدە «جوق» دەدى مە? ء«يا» دەپ ايتىپ جاتىر. ءبىز قازىر 3-قاباتتامىز. سوڭعى ءسوزىڭدى ايت انيس. قوقىس تۇرعان جاققا لاقتىرايىق. لاقتىرايىق. قازىر تەلەفون لاقتىرامىن. ءبىر, ەكى, ءۇش… ا, ب..د. مەنىڭ ءوزىم 50 كەلى تارتامىن. باستارىڭدى تىعىڭدار. ۇلگەرمەدىك», – دەدى جەتكىنشەك.

بۇل ۆيدەوعا قاتىستى استانا پوليتسيا دەپارتامەنتى پىكىر ءبىلدىردى.

«اتالعان فاكتى تىركەلىپ, وقيعانىڭ بارلىق قاتىسۋشىسى انىقتالىپ, زاڭدى وكىلدەردىڭ قاتىسۋىمەن ءمان-جاي انىقتالىپ جاتىر. قورىتىندىسى بويىنشا زاڭعا سايكەس شارالار قابىلدانادى», – دەدى پوليتسيا دەپارتامەنتى.