«Bul meniń quldarym»: Astanada bir aýlanyń balalary dostaryn úıdiń 12-qabatynan laqtyryp jibermek bolǵan

Foto: everystockphoto.com

Astanalyq balalar «Sezim qala» turǵyn úı kesheniniń aýlasynda oınap, kóńil kóterý úshin balany úshinshi qabattaǵy balkonnan laqtyryp jibermek bolǵan. Biraq olardyń bul áreketi sátsiz aıaqtaldy. Jábirlenýshiniń ata-anasy polıııadan qylmyskerlerdi jazalaýdy talap etip otyr. Bul týraly Stan.kz aqparat agenttigi habarlaıdy.

«Biz qazir myna aqymaqty úıdiń 12-qabatynan laqtyramyz. Al bul meniń quldarym, tanysyp qoıyńyzdar. Olardyń ózderi «quldarym» dep aıtýǵa kelisti. Olar Sanjar, Nurálı, al úshinshi qulym Bogdan. Al bul besinshe jaýyz. Ol ózin bizge sýııd jasasyn dep aıtyp jatyr. Tipti ol óz ruqsatyn da berdi. Sen kelisip tursyń ǵoı. Seni qazir laqtyryp jiberýge daıynsyń ba? «Iá, ıá» dedi. Bogdan, qane súıre! Biz ony súırep bara jatyrmyz! Biz jumys istep jatyrmyz, qysqasy! Al men operatormyn. Súıreımiz. Ustańdar. Qane, jumys isteńder. Erkekter, jumys isteımiz, jumys isteımiz… Júrińder, laqtyryp jibereıik. Ony tastaıyq», – dep aıǵaılady vıdeo avtory.

Olar ózderinen kishkentaı balaǵa sońǵy sózin aıtýǵa múmkindik bergen.

«Sekirgiń kele me?! Ol «ıá» álde «joq» dedi me? «Iá» dep aıtyp jatyr. Biz qazir 3-qabattamyz. Sońǵy sózińdi aıt Anıs. Qoqys turǵan jaqqa laqtyraıyq. Laqtyraıyq. Qazir telefon laqtyramyn. Bir, eki, úsh… A, b..d. Meniń ózim 50 keli tartamyn. Bastaryńdy tyǵyńdar. Úlgermedik», – dedi jetkinshek.

Bul vıdeoǵa qatysty Astana polıııa departamenti pikir bildirdi.

«Atalǵan fakti tirkelip, oqıǵanyń barlyq qatysýshysy anyqtalyp, zańdy ókilderdiń qatysýymen mán-jaı anyqtalyp jatyr. Qorytyndysy boıynsha zańǵa sáıkes sharalar qabyldanady», – dedi polıııa departamenti.