«Bul sátti 21 jyl kútti»: Ǵusman Qyrǵyzbaevtyń baýyry qýanyshyn bólisti

Foto: ashyq derekkóz

Ulttyq qurama dzıýdoshysy Ǵusman Qyrǵyzbaev (66 kg) Parıj Olımpıadasynda serb Strahınıa Býnchıchti jeńgen sátin sportshynyń otbasy tikeleı efırden kórip, erekshe qýanyshqa bólendi, dep habarlaıdy Ozgeris.info tilshisi Qazsport telearnasyna silteme jasap.

Dzıýdoshynyń týǵan baýyry Ǵusmannyń bul jeńiske uzaq daıyndalǵanyn aıtyp, qýanyshymen bólisti.

«Ǵusman bul ýaqytty týra 21 jyl kútti. Tańnan keshke deıin aıanbaı eńbek etti. Otbasymyzda Olımpıadanyń bir júldegeri paıda boldy», — dedi sportshynyń baýyry Ǵumar Qyrǵyzbaev.