«Bul syrqat syr bermeıdi»: Láılá Sultanqyzy

Foto: ashyq derekkóz

Tanymal telejúrgizýshi, jýrnalıst Láılá Sultanqyzy qazaqtyń qyz-kelinshekterine arnalǵan úndeý jasady, – dep habarlaıdy  qandastar.kz Massaget.kz-ke silteme jasap.

«Ońtúistikte 11 jastan asqan qyzdar kóp. Analary, jaqyndańyzdar! Mańyzdy aqparat. APV-VPCh (vırýs papıllomy cheloveka) týraly aıtamyn. Qazir kúnine 25-44 jas aralyǵyndaǵy eki kelinshek osy syrqattan kóz jumady. Rak sheıkı matkıdi VPCh-ǵa mazok tapsyrý arqyly anyqtaıdy. Ishindegi 16, 18 tıp óte qaýipti. Bir jamany, 3 satyǵa deıin bul syrqat syr bermeıdi eken», – dep jazdy Láılá Sultanqyzy áleýmettik jelidegi paraqshasynda.

Jýrnalıstiń aıtýynsha, bul syrqatty azaıtýdyń jalǵyz joly – ekpe (prıvıvka) eken.

«Álemniń 150-ge jýyq elderinde bul baıaǵyda mindettelgen prıvıvkalar qatarynda. Tipti rak sheıkı matkı obyryn tolyǵymen jeńgen elder de bar. Statıstıka solaı deıdi. VPCh týraly qorqynyshty aqparattardy estigen saıyn barlyǵyn sizdermen bóliskim keledi», – dep jazdy ol.

Oıyn qorytyndylaı kele jýrnalıst Qazaqstandaǵy qyz-kelinshekterge úndeý jasady.

«Qurmetti qyz-kelinshekter! Biz óte saýatty bolýymyz kerek. Biz bala-shaǵamyzdyń densaýlyǵyna jaýaptymyz. Munda aýyrǵansha aýyrmaıtyn jol izde dep jatyrmyn», – dep qorytyndylady oıyn Láılá Sultanqyzy.