جاڭالىقتار
«بۇل جەردەن جوعال»: جامبىل وبلىسى پوليتسيا دەپارتامەنتىنىڭ باستىعى قىزمەتىنەن بوساتىلدى
فوتو: اشىق دەرەككوز
ەستەرىڭىزدە بولسا, جامبىل وبلىسىنىڭ پوليتسيا دەپارتامەنتىنىڭ باستىعى ارمانبەك ءبايمۋرزيننىڭ قول استىنداعى قىزمەتكەرلەرىنە ۇرىسىپ, بەيادەپ سوزدەر ايتقان ۆيدەوسى الەۋمەتتىك جەلىدە تاراعان بولاتىن, دەپ حابارلايدى qandastar.kz.
ۆيدەودا ارمانبەك بايمۋرزين جينالىس كەزىندە ۇستەلدى ءبىر قويىپ, قىزمەتكەرلەرىن بالاعاتتاپ, «سەندەردى جەك كورەمىن. بۇل جەردەن جوعال» دەگەن.
وسى ۆيدەونىڭ تارالۋىنا بايلانىستى ىشكى ىستەر ءمينيسترىنىڭ تاپسىرماسىمەن قىزمەتتىك تەكسەرىس تاعايىنداپ, گەنەرال قىزمەتىنەن شەتتەتىلگەن.
كەشە دەپارتامەنت باستىعى ارمانبەك بايمۋرزين مەن ونىڭ ورىنباسارى نۇرجان راحمەتتۋلاەۆ قىزمەتىنەن بوساتىلدى.
گەنەرال بايمۋرزين 2022 جىلى وسى قىزمەتكە تاعايىندالدى. ول قاڭتار وقيعاسى كەزىندە وزىنە قول جۇمساعان سۇلەيمەنوۆتىڭ ورنىنا بەكىتىلگەن ەدى.
جامبىل وبلىسى پوليتسيا دەپارتامەنتى باستىعى قىزمەتىنە رەسپۋبليكالىق كولىكتەگى پوليتسيا دەپارتامەنتىنىڭ باستىعى باقىتجان مالىباەۆ بولادى دەگەن سىبىس بار. باقىتجان مالىباەۆ جامبىل وبلىسى, قورداي اۋدانى, قىزىلتاس اۋىلىنىڭ تۋماسى.
