بۋرابايدا ءتورت ادامدى اۆتوكولىك قاعىپ كەتتى

بۋراباي كەنتىندە جاياۋ جۇرگىنشىلەر قاتىسقان اۋىر جول-كولىك وقيعاسى ورىن الدى, دەپ حابارلايدى Qandastar.kz اقپارات پورتالى.

الدىن الا مالىمەتتەر بويىنشا, LADA ماركالى اۆتوكولىكتىڭ جۇرگىزۋشىسى «ايناكول» قوناق ۇيىنەن اينالما جولعا قاراي باعىت الىپ كەلە جاتىپ, جولدىڭ وڭ جاق شەتىمەن ءبىر باعىتتا قوزعالىپ بارا جاتقان ءتورت جاياۋ جۇرگىنشىنى قاعىپ كەتكەن.

قايعىلى وقيعا سالدارىنان: ءبىر ادام جانساقتاۋ بولىمىندە كوز جۇمدى, ەكەۋى ءارتۇرلى دارەجەدەگى جاراقاتتارمەن اۋرۋحاناعا جاتقىزىلدى, ءبىر زارداپ شەككەن ادام جەڭىل جاراقات العان, اۋرۋحاناعا جاتقىزۋدى قاجەت ەتپەيدى.

اتالعان وقيعا بويىنشا تەرگەۋ جۇرگىزىلۋدە, بارلىق ءمان-جايلار انىقتالۋدا