Mádenıet
«Burmalaýdyń qajeti joq»: Disney-diń qazaqsha týyndysyn synaǵan Badyqova el aldynda aqtaldy
Foto: jeke qorynan
Belgili prodıýser, aktrısa Darıǵa Badyqova “Moanaǵa” baratyn qazaqtardy ne úshin synaǵanyn aıtty. Bul týraly qandastar.kz Stan.kz aqparat agenttigi habarlaıdy.
Aıta keteıik, kınojuldyz qazaqshaǵa dýblıajdalǵan mýltfılmnen góri óz fılmi jaqsy ekenine sendirgen edi.
“Uıalmaı basymdy tik kóterip aıta alamyn! Heıterlardy da, qýantyp qoıý kerek. О́sek aıtyp, jerden alyp jerge salýdyń júgi aýyr. Bárine unaýym shart emes. Biraq qalyń kórermenge raqmet aıtamyn. “Taptym-aý seni” unap jatyr shynymen. Osy jolǵy bólim keremet shyqty, shúkir!”, – dep jazdy aktrısa.
Odan keıin kınoprodıýser “mýltfılmge barmańdar” degen sózine qatysty da óz oıyn jetkizdi.
“Odan keıin “balalar mýltfılmge barmasyn” degen joqpyn. Qysqasy, áńgime órbigen kezde Gollıvýd jaıynda aıttym. О́zimizdiń kınony Gollıvýdpen salystyrý, ábestik emes! Sondaı oıda jetkizildi. Burmalaýdyń qajeti joq. “О́z elimniń kınosyna barmańdar” degen joqpyn keıibir kisiler sııaqty. Men qanym qyzý adammyn. Esigińniń aldyndaǵy ıt jaman dese de, namystanamyn. Heıterlarǵa tilerim ómirleri tynysh jaqyndary aman bolsyn! Jeti urpaǵyna jetetin jaqsylyq jasasyn!”, – dedi kınojuldyz.
Eske salaıyq, aktrısa 10 jyl sábı kútkenbeıtanys otbasyǵa tosynsyı jasaǵan edi.
