«Buryn ondaı joq edi»: Beınebaılanys arqyly sóılesip otyrǵan sarbazdar kópshilikti tańqaldyrdy

Foto: ashyq derekkóz

Jelide Qorǵanys mınıstrligi júktegen vıdeo kópshiliktiń júregin eljiretti, dep habarlaıdy Qandastar.kz.

Vıdeoda sarbazdar beınebaılanys arqyly ata-analaryna qońyraý soǵyp sóılesýde. Mınıstrlik málim etkendeı, vıdeoda Radıoelektronıka jáne baılanys áskerı-ınjenerlik ınstıtýty kúzet rotasynyń sarbazdary. Olar ár jeksenbi saıyn ata-analarymen beıneqońyraý arqyly habarlasyp turady.

Jeli qoldanýshylary sarbazdarǵa qatysty jyly vıdeo kórgenderin aıtyp qýanyp qalǵandaryn jasyrmaýda.

– «Buryn ondaı joq edi, bıyl osyndaı tártip bolsa keremet qoı. Biz 1-kýrsta tek «ývalda» sóılesetinbiz. Qazir 4-kýrs erkindeý sııaqty. Rahmet basshylarǵa», «Jandarym sol, meniń de balam búgin habarlassa eken», «Barlyq sarbazdar ata-analarymen aman-esen qaýyshsyn. Elimiz aman, jurtymyz tynysh bolsyn. Oqý ornynyń ujymyna sáttilik tileımiz», – dep jyly lebizderin jazyp ótken.