الەم جاڭالىقتارى
بۇرىنعى دەپۋتات نىعماتۋليننىڭ اۋلەتى اتىنان دۋبايدا 50-دەن استام ءۇي ساتىپ الىنعانى بەلگىلى بولدى
فوتو: اشىق دەرەككوز
بۇرىنعى دەپۋتات نىعماتۋليننىڭ اۋلەتى اتىنان دۋبايدا 50-دەن استام ءۇي ساتىپ العانى بەلگىلى بولدى, دەپ حابارلايدى qandastar.kz «ازاتتىق»-قا سىلتەپ.
قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ سەرىگى سانالعان نۇرلان نىعماتۋلين اۋلەتىنىڭ دۋبايداعى مۇلكى اشكەرە بولىپ جاتىر.
C4ADS ۇيىمى ازاتتىققا بەرگەن دەرەككە قاراعاندا, دۋبايدا نىعماتۋليننىڭ ايەلى ۆەنەرا بايمىرزاەۆانىڭ اتىنا 50 شاقتى جىلجىمايتىن م ۇلىك تىركەلگەن.
سونىڭ العاشقىسى – 860 شارشى مەترلىك ۆيللا. Living Legends دەپ اتالاتىن كوتتەدج قالاشىعىنداعى بۇل جىلجىمايتىن م ۇلىكتىڭ قۇنى 670 ملن تەڭگەنىڭ (1,5 ملن دوللار) اينالاسىندا.
سونداي-اق, FAIROOZ دەگەن عيماراتتا ۆەنەرا بايمىرزاەۆانىڭ اتىنا اۋماعى 500 شارشى مەترلىك اپارتامەنت تىركەلگەن. C4ADS ۇيىمى ونىڭ نارىقتاعى قۇنى شامامەن 850 ملن تەڭگەدەن (1,9 ملن دوللار) اساتىنىن ەسەپتەگەن.
C4ADS دەرەك بازاسىندا بايمىرزاەۆا – دۋبايدىڭ ورتالىعىندا بۇدان وزگە پرەميۋم ساناتتاعى بىرنەشە پاتەردىڭ يەسى دەپ كورسەتىلگەن. DM MESK كەشەنىندە جالپى قۇنى جارتى ملرد تەڭگەدەي (1 ملن دوللار) ەكى پاتەر, ROYAL OCEANIC عيماراتىندا 270 ملن تەڭگە (600 مىڭ دوللار) شاماسىندا تۇراتىن اپارتامەنت, REGAL TOWER كەشەنىندە 250 ملن تەڭگەنىڭ (550 مىڭ دوللار) پاتەرى, BAHAR كەشەنىندە 150 ملن تەڭگەدەن (380 مىڭ دوللار) قىمبات تۇراتىن پاتەر بايمىرزاەۆانىڭ اتىنا جازىلعان.
ورايى كەلگەندە ايتا كەتەيىك, قازاقستاندا نۇرلان نىعماتۋليننىڭ ايەل, بالا-شاعاسىنىڭ يەلىگىندە ءتۇرلى كومپانيالار بار. ايەلى ۆەنەرا بايمىرزاەۆا نەگىزىنەن ەلدەگى جىلجىمايتىن م ۇلىكتەرى ارقىلى كاسىپ جاسايدى.
