بۇرىنعى مۇعالىم ديرەكتورى جايلى جازىپ, «فەيسبۋكتى شۋلاتقانى» ءۇشىن ءىستى بولدى

فوتو: اشىق دەرەككوز

استانا قالاسىندا جۇمىستان شىعىپ قالعان مۇعالىم Facebook الەۋمەتتىك جەلىسىنە بۇرىنعى باسشىسى, ياعني, ءوزى جۇمىستان ىستەگەن مەكتەپتىڭ ديرەكتورى تۋرالى پوست جازعانى ءۇشىن ءىستى بولدى, دەپ حابارلايدى qandastar.kz

استانا قالاسىنىڭ ازاماتتىق ىستەر جونىندەگى اۋدانارالىق سوتى مەكتەپ ديرەكتورىنىڭ ارىزىن قاراعان.

«مەكتەپتەگى جۇمىسىنان شىققان مۇعالىم Facebook الەۋمەتتىك جەلىسىندە مەكتەپ ديرەكتورىنىڭ زاڭ بۇزعانىن جازعان. سونداي-اق, ۇيىرمەنىڭ مۇعالىمى وقۋشىلارعا ورىنسىز ارەكەت جاسادى دەپ حابارلاي كەلە, ديرەكتور بۇل تۋرالى بىلەتىنىن, بىراق وعان قاتىستى شارا قولدانباعانىن ايتقان», – دەپ حابارلايدى سوت.

Azattyq Rýhy جازعانداي,  سۋديا ونىڭ پوستىنا فيلولوگيالىق-پسيحولوگيالىق زەرتتەۋ جۇرگىزىپ, ونىڭ جازىپ وتىرعانى ديرەكتوردىڭ ار-نامىسىنا, قادىر-قاسيەتىنە نۇقسان كەلتىرەتىنىن انىقتاعان.

«جازىلعان پوستاعى اقپاراتتاردىڭ راس ەكەنىن دالەلدەۋ مۇعالىمنىڭ موينىنا جۇكتەلگەن. ول دالەل ۇسىنباعان. سوندىقتان, سۋديا ونىڭ پوستىنداعى مالىمەتتەردى جالعان دەپ تاپتى. ۇكىمگە ساي, مۇعالىم ەندى ديرەكتوردان الەۋمەتتىك جەلى ارقىلى كەشىرىم سۇراپ, پوستىن ءوشىرۋى كەرەك», – دەپ حابارلايدى سورتتىڭ ءباسپاسوز قىزمەتى.