Burynǵy muǵalim dırektory jaıly jazyp, «feısbýkty shýlatqany» úshin isti boldy

Foto: ashyq derekkóz

Astana qalasynda jumystan shyǵyp qalǵan muǵalim Facebook áleýmettik jelisine burynǵy basshysy, ıaǵnı, ózi jumystan istegen mekteptiń dırektory týraly post jazǵany úshin isti boldy, dep habarlaıdy qandastar.kz

Astana qalasynyń azamattyq ister jónindegi aýdanaralyq soty mektep dırektorynyń aryzyn qaraǵan.

«Mekteptegi jumysynan shyqqan muǵalim Facebook áleýmettik jelisinde mektep dırektorynyń zań buzǵanyn jazǵan. Sondaı-aq, úıirmeniń muǵalimi oqýshylarǵa orynsyz áreket jasady dep habarlaı kele, dırektor bul týraly biletinin, biraq oǵan qatysty shara qoldanbaǵanyn aıtqan», – dep habarlaıdy sot.

Azattyq Rýhy jazǵandaı,  sýdıa onyń postyna fılologııalyq-psıhologııalyq zertteý júrgizip, onyń jazyp otyrǵany dırektordyń ar-namysyna, qadir-qasıetine nuqsan keltiretinin anyqtaǵan.

«Jazylǵan postaǵy aqparattardyń ras ekenin dáleldeý muǵalimniń moınyna júktelgen. Ol dálel usynbaǵan. Sondyqtan, sýdıa onyń postyndaǵy málimetterdi jalǵan dep tapty. Úkimge saı, muǵalim endi dırektordan áleýmettik jeli arqyly keshirim surap, postyn óshirýi kerek», – dep habarlaıdy sorttyń baspasóz qyzmeti.