Eks-prezıdentter týraly aqparat nege qupııa saqtalady?

Foto: ashyq derekkóz

Eks prezıdent Nursultan Nazarbaev pen onyń otbasy músheleriniń densaýlyǵy men jeke ómiri týraly málimetter memlekettik qupııa sanalatyn boldy. 12 jeltoqsanda Parlament Senaty tıisti túzetý engen zańdy maquldap, prezıdenttiń qol qoıýyna jibergen bolatyn, dep jazdy  qandastar.kz

«Memlekettik qupııalar týraly» zańǵa barlaýshylyq, qarsy barlaýshylyq, jedel-izdestirýshilik jáne ózge de qyzmetti memlekettik qupııalarǵa jatqyzýdan basqa, Qazaqstan Respýblıkasy prezıdentiniń jáne onyń otbasy músheleriniń qaýipsizdigin qamtamasyz etýdiń uıymdastyrylýy, kúshteri, quraldary men ádisteri týraly málimetter, Qazaqstan Respýblıkasy Prezıdentiniń densaýlyq jaǵdaıy men jeke ómiri týraly málimetter, Qazaqstan Respýblıkasynyń eks-prezıdentteriniń jáne olardyń otbasy músheleri týraly uqsas málimetterdi engizý boıynsha tolyqtyrý engiziledi», – delingen qorytyndyda.

Parlament senatynyń múshesi Aıgúl Qapbarova bul jańa norma zań jobasy májiliste qaralǵan kezde engizilgenin aıtty.

«Bul densaýlyq týraly derekter. Qazaqstanda kez kelgen azamat jeke ómiriniń qupııasyn saqtaýǵa quqyly. Bul densaýlyq máselesine, oǵan qoıylǵan dıagnozdarǵa baılanysty. Kóptegen elde prezıdentterdiń densaýlyǵy týraly málimetter qupııaǵa jatady», – degen senat depýtaty.

Osyǵan deıin Mádenıet jáne aqparat vıe-mınıstri Aızada Qurmanova Qazaqstanda Nazarbaevtyń atyndaǵy «Elbasy medalin» alyp tastaý ázirge josparlanbaǵanyn aıtqan bolatyn. Senat spıkeri Máýlen Áshimbaev ta tuńǵysh prezıdent Nursultan Nazarbaev atyndaǵy nagradanyń kúshin joıý máselesi ázirge kún tártibinde joq ekenin málimdegen.

Eske sala ketsek, 2023 jyly qańtar aıynda Parlament «QR Tuńǵysh prezıdenti – Elbasy týraly» Konstıtýııalyq zańnyń kúshi joıyldy dep taný týraly» zańdy qabyldady. Bul qujat Nazarbaevty birqatar artyqshylyqtardan, sonyń ishinde Elbasy mártebesinen aıyrdy.