الەم جاڭالىقتارى
بۇرىنعى ساۋدا ءمينيسترى سۇيىكتىسىنە بالتامەن شابۋىل جاسادى دەگەن كۇدىككە ءىلىندى
فوتو: facebook.com/Mikhail.Khubutiya
ماسكەۋ وبلىسىنىڭ بۇرىنعى ساۋدا ءمينيسترى ميحايل حۋبۋتيا سۇيىكتىسى يۋليا ۆانعا بالتامەن شابۋىل جاساعان. بۇل جونىندە ۆاننىڭ ءوزى مالىمدەدى. شابۋىلدان كەيىن جابىرلەنۋشى كوپتەگەن جاراقاتپەن اۋرۋحاناعا جاتقىزىلدى, بولمە قان-جوسا بولعان, دەپ جازادى qandastar.kz
بۇل تۋرالى Stan.kz اقپارات اگەنتتىگى حابارلايدى.
24 ءساۋىر تۇنگە قاراي بيزنەسمەن ودينتسوۆسكي اۋدانى ترەحگوركا اۋىلىنداعى بۇرىنعى سۇيىكتىسى ءارى Van Tea شاي ءۇيىنىڭ يەسى يۋليا ۆاننىڭ ۇيىنە باسىپ كىرىپ, وعان شابۋىل جاساعان, دەپ جازدى Mashتەلەگرام ارناسى. بۇل جايتتى پوليتسياعا جانە ۆاننىڭ تۋىستارىنا بالا كۇتۋشىسى حابارلاعان. ال Bazaتەلەگرام ارناسىنىڭ جازۋىنشا, شابۋىل كەزىندە كۇتۋشى ەشقانداي داۋىس ەستىمەگەن, حۋبۋتيانى دا كورمەگەن. يۋليا ۆاننىڭ ءوزىنىڭ ايتۋىنشا, وعان بيزنەسمەن بالتامەن تاپ بەرگەن.
پوليتسيا وقيعا ورنىنا جەتكەندە حۋبۋتيا ءىزىن سۋىتىپ ۇلگەرگەن, ال يۋليا ەس-ءتۇسسىز جاتقان.
ميحايل حۋبۋتيا مەن يۋليا ۆان 2024 جىلدىڭ جەلتوقسان ايىنا دەيىن كەزدەسكەن. يۋليا كاسىپكەردى تاستاپ كەتكەن سوڭ, ول بالانى تارتىپ الىپ, ءوزىن پسيحياتريالىق اۋرۋحاناعا جاتقىزامىن دەپ قورقىتا باستاعان دەسەدى. حۋبۋتيا مەن ۆاننىڭ ورتاق قىزى بار.
رەن Tۆ ارناسىنا بەرگەن سۇحباتىندا حۋبۋتيا وزىنە تاعىلعان ايىپتاردى «بوس ءسوز» دەپ اتاپ, ماسكەۋدە ەمەس ەكەنىن ايتقان.
وقيعا الدىندا يۋليا ۆان Fashion People Awards شاراسىندا بوي كورسەتكەن.
