Burynǵy saýda mınıstri súıiktisine baltamen shabýyl jasady degen kúdikke ilindi

Foto: facebook.com/Mikhail.Khubutiya

Máskeý oblysynyń burynǵy saýda mınıstri Mıhaıl Hýbýtııa súıiktisi Iýlııa Vanǵa baltamen shabýyl jasaǵan. Bul jóninde Vannyń ózi málimdedi. Shabýyldan keıin jábirlenýshi kóptegen jaraqatpen aýrýhanaǵa jatqyzyldy, bólme qan-josa bolǵan, dep jazady qandastar.kz

Bul týraly Stan.kz aqparat agenttigi habarlaıdy.

24 sáýir túnge qaraı bıznesmen Odınovskıı aýdany Trehgorka aýylyndaǵy burynǵy súıiktisi ári Van Tea shaı úıiniń ıesi Iýlııa Vannyń úıine basyp kirip, oǵan shabýyl jasaǵan, dep jazdy Mashtelegram arnasy. Bul jaıtty polıııaǵa jáne Vannyń týystaryna bala kútýshisi habarlaǵan. Al Bazatelegram arnasynyń jazýynsha, shabýyl kezinde kútýshi eshqandaı daýys estimegen, Hýbýtııany da kórmegen. Iýlııa Vannyń óziniń aıtýynsha, oǵan bıznesmen baltamen tap bergen.

Polıııa oqıǵa ornyna jetkende Hýbýtııa izin sýytyp úlgergen, al Iýlııa es-tússiz jatqan.

Mıhaıl Hýbýtııa men Iýlııa Van 2024 jyldyń jeltoqsan aıyna deıin kezdesken. Iýlııa kásipkerdi tastap ketken soń, ol balany tartyp alyp, ózin psıhıatrııalyq aýrýhanaǵa jatqyzamyn dep qorqyta bastaǵan desedi. Hýbýtııa men Vannyń ortaq qyzy bar.

REN TV arnasyna bergen suhbatynda Hýbýtııa ózine taǵylǵan aıyptardy «bos sóz» dep atap, Máskeýde emes ekenin aıtqan.

Oqıǵa aldynda Iýlııa Van Fashion People Awards sharasynda boı kórsetken.