Burynǵy súıiktisin óltirmek bolǵan: kúdikti ustaldy

Er adam áıelge pyshaqpen shabýyl jasaǵan oqıǵa 9 maýsymda bolǵan. Úsh aıdan beri dúkende operator bolyp jumys isteıtin Saltanattyń áriptesteri «kúıeýin bir-eki ret jumysqa kelgende ǵana kórdik, ersi minezin baıqamadyq», – deıdi,-dep habarlaıdy Qandastar.kz

«Jeke tanys emespin. Biraq kúıeýiniń kelip júretininen habarym bar. Ishimdik ishkenin de kórmeppin. Al Saltanat jumysyna jaýapty, ashyq-jarqyn kelinshek. Jumysta eshqashan ersi qylyq tanytpady. Oqıǵanyń ózin beınekadrdan ǵana kórdim», – dedi Saltanattyń áriptesi Natalıa Pak.

Qazir 33 jastaǵy áıeldiń jaǵdaıy aýyr dep baǵalanǵan. Dárigerler onyń moıny qatty zaqymdanǵanyn aıtty.

«Jaǵdaıy turaqty aýyr, sebebi ashyq moıyn jaraqaty bolyp tur. Soǵan baılanysty bir jaq qol-aıaǵy álsiz, qozǵalysy shektelgen. Keshendi em alyp jatyr. Aty-jónin de aıta almaımyz», – dedi Atyraý oblystyq aýrýhanasynyń neırohırýrg dárigeri Sabyr Demegenov.

Kúdikti áıelge shabýyl jasaǵan soń oqıǵa ornynan taıyp turǵan. Polıııa qyzmetkerleri bul iske qatysty sot-medıınalyq saraptama taǵaıyndalǵanyn aıtty.

«Sot medıınalyq saraptamasy taǵaıyndaldy. О́zge aqparat tergeý múddesine sáıkes jarııalanbaıdy», – dedi qalalyq polıııa basqarmasynyń bastyǵy Rýslan Baıtenov.

Ázirge er adamnyń mundaı qadamǵa ne úshin barǵanyn eshkim bilmeıdi. Al jábirlenýshi esin jıǵan. Degenmen dárigelerdiń aıtýynsha, qımyl-qozǵalysy qıyn.

Keıin 1991 jyly týǵan áıel adamdy óltirýge oqtalǵan 29 jastaǵy kúdikti ustaldy.

«Atyraý oblysy Polıııa departamenti qyzmetkerleriniń keshendi jedel izdestirý is-sharasy nátıjesinde er adam Aqtaý qalasynda ustaldy. Kúdiktige qatysty qylmystyq is tergelip jatyr», – dep jazylǵan málimette.