بۇرىنعى ۇلتتىق ەكونوميكا ءمينيسترى الىبەك قۋانتىروۆ جاڭا قىزمەتكە تاعايىندالدى

فوتو: ايقىن.كز

بۇرىنعى ۇلتتىق ەكونوميكا ءمينيسترى ەندى جاڭا قىزمەتكە تاعايىندالدى. بۇل تۋرالى Stan.kz اقپارات اگەنتتىگى حابارلايدى.

مەملەكەت باسشىسىنىڭ وكىمىمەن الىبەك ساكەن ۇلى قۋانتىروۆ سىرتقى ىستەر ءمينيسترىنىڭ ورىنباسارى بوپ تاعايىندالدى.

الىبەك قۋانتىروۆ 1983 جىلى اتىراۋ قالاسىندا تۋعان. تومسك مەملەكەتتىك ۋنيۆەرسيتەتىن جانە ميچيگان ۋنيۆەرسيتەتىن تامامداعان.
ەڭبەك جولىن 2005 جىلى قر ەكونوميكا جانە بيۋدجەتتىك جوسپارلاۋ مينيسترلىگىندە جەتەكشى ماماننىڭ م.ا. بولىپ باستادى.

• 2005-2010 جج. — قر ەكونوميكا جانە بيۋدجەتتىك جوسپارلاۋ مينيسترلىگىندە ءتۇرلى لاۋازىمداردا جۇمىس ىستەدى.
• 2010-2013 جج. — قر قارجى مينيسترلىگىنىڭ بيۋدجەتتىك جوسپارلاۋ جانە بولجامداۋ دەپارتامەنتى ديرەكتورىنىڭ ورىنباسارى.
• 2013 ج. — قر يندۋستريا جانە جاڭا تەحنولوگيالار مينيسترلىگىنىڭ گەولوگيا جانە جەر قويناۋىن پايدالانۋ كوميتەتى توراعاسىنىڭ ورىنباسارى.
• 2013-2019 جج. — قر پرەزيدەنت اكىمشىلىگىندە ءتۇرلى قىزمەتتەر اتقاردى.
• 2022-2024 جىلدار ارالىعىندا ول ۇلتتىق ەكونوميكا ءمينيسترى قىزمەتىن اتقاردى.
• 2024 جىلى ساۋىردە  Kazenergy قاۋىمداستىعىنىڭ باس ديرەكتورى بولىپ تاعايىندالدى.